ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
பரியேறும் பெருமாள், கர்ணன் என இரு படங்களின் மூலம் ரசிகர்கள் மனதில் மிகப்பெரிய தாக்கத்தை ஏற்படுத்தியவர் தான் மாரி செல்வராஜ். தற்போது தமிழ் சினிமாவில் கவனிக்கப்படும் இயக்குனராக உருவெடுத்துள்ள மாரி செல்வராஜ் உதயநிதியை வைத்து மாமன்னன் என்ற படத்தை இயக்கியுள்ளார்.
ரெட் ஜெயண்ட் சார்பாக உதயநிதியே தயாரித்துள்ள இப்படத்திற்கு ஏ.ஆர் ரஹ்மான் இசையமைத்துள்ளார். மேலும் வடிவேலு மிக முக்கியமான ரோலில் இப்படத்தில் நடிக்கின்றார். படத்தில் மாமன்னனே வடிவேலு தான் என்ற தகவல் வந்துள்ளது. இதைத்தொடர்ந்து கீர்த்தி சுரேஷ் இப்படத்தில் வித்யாசமான ரோலில் நடித்துள்ளார்.
சிக்கலில் மாமன்னன்
இவ்வாறு படத்தில் பல சிறப்பான விஷயங்கள் இருக்க ரசிகர்களுக்கு படத்தின் மீதான எதிர்பார்ப்பு அதிகரித்தது. இதனை மேலும் அதிகரிக்கும் வகையில் மாமன்னன் படத்தின் பாடல்களும் ட்ரைலரும் அமைந்தது. இந்நிலையில் மாமன்னன் படத்திற்கு எதிர்பார்ப்புகள் இருக்கும் அதே நிலையில் சில எதிர்ப்புகளும் இருந்து வருகின்றது.
Maamannan: வேற யாரவது இருந்தா மாரி செல்வராஜ் மேல கேஸ் போட்ருப்பாங்க..பங்கமாய் கலாய்த்த வடிவேலு..!
என்னவென்றால் மாமன்னன் இசை வெளியீட்டு விழாவில் உலகநாயகன் கமல்ஹாசன் சிறப்பு விருந்தினராக கலந்துகொண்டார். அவரின் முன்னிலையிலேயே மாரி செல்வராஜ் கமலின் தேவர்மகன் படத்தை விமர்சித்து பேசியிருந்தார். இது பெரும் சர்ச்சையை ஏற்படுத்தியது.
தேவர் மகன் போன்ற ஒரு திரைப்படத்தை மாரி செல்வராஜ் விமர்சித்தது கமல் ரசிகர்களால் ஏற்றுக்கொள்ள முடியவில்லை. இதன் காரணமாக சமூகத்தளங்களில் மாரி செல்வராஜை கமல் ரசிகர்கள் கண்டித்து வந்தனர். இதற்கு விளக்கம் அளித்த மாரி செல்வராஜ், தான் இசை வெளியீட்டு விழாவில் சற்று எமோஷனலாக பேசிவிட்டதாகவும், கமலிடம் எனக்கு உரிமை இருப்பதால் இவ்வாறு பேசியதாகவும் கூறினார். ஆனாலும் ரசிகர்கள் சமாதானம் ஆனதாக தெரியவில்லை.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் தற்போது தேனியில் FORWARD BLOCK கட்சியினர் மாமன்னன் திரைப்படத்தை வெளியிடக்கூடாது என மனு ஒன்றை கொடுத்துள்ளனர். மாமன்னன் திரைப்படம் வெளியானால் சட்டம் ஒழுங்கு பாதிக்கப்படும் என கூறி இப்படத்தை வெளியிடகூடாது என FORWARD BLOCK கட்சியினர் மனு கொடுத்துள்ளனர்.
அப்சட்டான உதயநிதி
மேலும் தேனியில் இருக்கும் திரையரங்கங்களுக்கும் FORWARD BLOCK கட்சியினர் மாமன்னன் படத்தை வெளியிட கூடாது என கூறியுள்ளனர். இதையடுத்து இப்படம் தேனியில் வெளியாகுமா இல்லையா என சந்தேகம் எழுந்துள்ளது. இருந்தாலும் மாமன்னன் உதயநிதி நடிப்பில் வெளியாக இருப்பதால் கண்டிப்பாக இப்படம் எந்த பிரச்சனையும் இன்றி வெளியாகும் என எதிர்பார்க்கப்படுகின்றது குறிப்பிடத்தக்கது
.