ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
இந்திய திரையுலகில் தற்போது பிரபலமான இயக்குனர்களில் ஒருவராக வலம் வருபவர் தான் லோகேஷ் கனகராஜ். மாநகரம் படத்தில் துவங்கிய இவரது திரைப்பயணம் அவரின் ஒவ்வொரு படத்திற்கு பிறகும் அடுத்தகட்டத்துக்கு சென்று வருகின்றது. கைதி, மாஸ்டர், விக்ரம் என அடுத்தடுத்து வெற்றிப்படங்களாக கொடுத்து வருகின்றார் லோகேஷ்.
குறிப்பாக கமலை வைத்து இவர் இயக்கிய விக்ரம் படத்தின் மூலம் இந்தியளவில் பிரபலமானார் லோகேஷ். இதையடுத்து அவரது இயக்கத்தில் இந்திய திரையுலகில் இருக்கும் முன்னணி நடிகர்கள் பலர் நடிக்க ஆர்வம் தெரிவித்து வருகின்றனர். இந்நிலையில் தற்போது லோகேஷ் விஜய்யை வைத்து லியோ திரைப்படத்தை இயக்கி வருகின்றார்.
லோகேஷின் அடுத்த படம்
இப்படம் தற்போது இறுதிக்கட்டத்தை எட்டியுள்ள நிலையில் அக்டோபர் மாதம் இப்படம் திரையில் வெளியாகவுள்ளது. இப்படத்தை தொடர்ந்து லோகேஷ் ரஜினியின் தலைவர் 171 படத்தை இயக்குவார் என எதிர்பார்க்கப்படுகின்றது. ரஜினியே லோகேஷை அழைத்து அவரது இயக்கத்தில் நடிக்க விருப்பம் தெரிவித்துள்ளதால் லியோ படத்திற்கு பிறகு ரஜினியை தான் லோகேஷ் இயக்குவார் என தெரிகின்றது.
Maamannan: மாமன்னன் முதல் நாளில் மட்டும் இத்தனை கோடி வசூலிக்குமா ?ப்ரீ புக்கிங்கில் சாதனை படைத்த உதயநிதி..!
ஆனால் மறுபக்கம் கார்த்தியை வைத்து கைதி 2 படத்தை தான் லோகேஷ் இயக்குவார் என்றும் சில செய்திகள் வெளியாகியுள்ளன. இதில் எது உண்மை என்பதை லோகேஷ் கூறினால்
மட்டுமே தெரியவரும். இதெல்லாம் ஒருபக்கம் இருக்கையில் லோகேஷ் பிரபாஸை வைத்து ஒரு பான் இந்திய படத்தை இயக்கப்போகின்றார் என கடந்த சில மாதங்களாக பேசப்பட்டு வந்தது.
சமீபகாலமாக பிரமாண்டமான திரைப்படங்களில் மட்டுமே நடித்து வரும் பிரபாஸ் விரைவில் லோகேஷுடன் இணைவார் என எதிர்பார்க்கப்பட்டது. ஆனால் தற்போது இந்த தகவலை நடிகர் பிரபாஸ் மறுத்துள்ளார். லோகேஷ் கனகராஜுடன் இணையும் எண்ணம் இப்போதைக்கு இல்லை எனவும், இதெல்லாம் வெறும் வதந்திதான் எனவும் கூறியுள்ளார் பிரபாஸ்.
நோ சொன்ன பிரபாஸ்
இதைத்தொடர்ந்து இவர்கள் இணைவதாக வெளியான செய்தி வெறும் வதந்தியாகவே மறைந்துவிட்டது. இதையடுத்து லியோ படத்திற்கு பிறகு லோகேஷ் ரஜினி படத்தை இயக்குவாரா இல்லை கார்த்தியின் கைதி 2 படத்தை இயக்குவார் என்ற கேள்வி தான் அனைவரது மனதிலும் இடம்பெற்றுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அநேகமாக லோகேஷ் கார்த்தியின் கைதி 2 படத்தை இயக்கிவிட்ட பிறகு தான் தலைவர் 171 படத்தை இயக்குவார் என சொல்லப்படுகின்றது.எனவே லோகேஷ் கனகராஜே சொன்னால் தான் அவரின் அடுத்த படத்தை பற்றிய உண்மை தகவல் தெரியவரும் என்பது குறிப்பிடத்தக்கது.