ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
உதயநிதி
நடிப்பில் உருவாகியிருக்கும் மாமன்னன் திரைப்படம் நாளை திரையில் வெளியாகவுள்ளது.மாரி செல்வராஜ் இயக்கத்தில் வெளியான கர்ணன் படத்தை பார்த்துவிட்டு இம்ப்ரஸ்ஸான உதயநிதி மாரி செல்வராஜை அழைத்து நாம் ஒரு படம் பண்ணலாம் என கூறவே மாமன்னன் திரைப்படம் உருவானது.
அந்த சமயத்தில் மாரி செல்வராஜ் துருவ் விக்ரமை வைத்து ஒரு படத்தை இயக்கலாம் என இருந்தார். ஆனால் உதயநிதியே அழைத்து நாம் படம் பண்ணலாம் என சொன்னவுடன் எந்த மறுப்பும் இன்றி ஒப்புக்கொண்டார் மாரி செல்வராஜ்.
மாமன்னன் ப்ரீ புக்கிங்
இதைத்தொடர்ந்து இப்படம் தான் தன் கடைசி படம் என முடிவெடுத்த உதயநிதி இப்படத்தை மிகப்பெரிய வெற்றிப்படமாக கொடுக்கவேண்டும் என தீர்மானித்தார். அதன் காரணமாகவே ஏ.ஆர் ரஹ்மான், கீர்த்தி சுரேஷ், வடிவேலு என மிகப்பெரிய நட்சத்திர பட்டாளங்களை இப்படத்தில் இணைத்தார்.
Maamannan: வேற யாரவது இருந்தா மாரி செல்வராஜ் மேல கேஸ் போட்ருப்பாங்க..பங்கமாய் கலாய்த்த வடிவேலு..!
இந்நிலையில் கடந்த ஒரு வருடமாக இப்படத்தின் படப்பிடிப்பு நடந்து முடிந்ததை தொடர்ந்து நாளை மாமன்னன் திரைப்படம் திரையில் வெளியாகின்றது. இதையொட்டி சில நாட்களுக்கு முன்பு இப்படத்தின் பாடல்கள் மற்றும் ட்ரைலர் படத்தின் மீதான எதிர்பார்ப்பை மேலும் அதிகரித்தது. குறிப்பாக இப்படத்தில் வடிவேலுவின் கதாபாத்திரம் ஹைலைட்டான விஷயமாக இருக்கும் என எதிர்பார்க்கப்படுகின்றது.
தான் நடிக்கவிருக்கும் கடைசி படத்தை மிகவும் அழுத்தமாக ரசிகர்களின் மனதில் பதிய செய்ய திட்டமிட்ட உதயநிதிக்கு மாமன்னன் திரைப்படம் எதிர்பார்த்த வெற்றியை பெற்றுத்தரும் என நம்பப்படுகின்றது. இந்நிலையில் மாமன்னன் திரைப்படம் முதல் நாளில் எந்தளவிற்கு வசூலிக்கும் என கணிக்கப்பட்டு வருகின்றது.
வசூலில் சாதனை
பக்ரீத் பண்டிகை விடுமுறையை முன்னிட்டு நாளை மாமன்னன் சோலோவாக வெளியாக இருக்கின்றது. மேலும் படத்தின் ப்ரீ புக்கிங் மட்டும் கிட்டத்தட்ட ஐந்து கோடி வரை ஈட்டியுள்ளது. எனவே இப்படம் முதல் நாளில் மட்டும் ஐந்து கோடிக்கு மேல் குறையாமல் வசூலிக்கும் என எதிர்பார்க்கப்படுகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் உதயநிதியின் திரைவாழ்க்கையில் அதிக வசூலை ஈட்டிய படமாக மாமன்னன் இருக்கும் எனவும் எதிர்பார்க்கப்படுகின்றது. இந்நிலையில் நாளை மிகப்பெரிய எதிர்பார்ப்பிற்கு மத்தியில் இப்படம் வெளியாகி வெற்றிநடை போடும் என்பதே கோலிவுட் வட்டாரத்தின் நம்பிக்கையாக இருப்பது குறிப்பிடத்தக்கது.