பாடகி மடோனா உடல்நிலை எப்படி உள்ளது
உலக புகழ்பெற்ற பாப் பாடகி மடோனா. ஹாலிவுட் படங்களிலும் பாடி உள்ளார். சில படங்களில் நடித்தும் உள்ளார். 64 வயதான மடோனாவுக்கு கடுமையான பாக்டீரியா தொற்று ஏற்பட்டுள்ளது. இதையடுத்து அமெரிக்காவின் நியூயார்க் நகரில் உள்ள மருத்துவமனையில் சேர்க்கப்பட்டுள்ளார். அங்கு அவருக்கு தீவிர சிகிச்சை பிரிவில் சிகிச்சை அளிக்கப்படுகிறது. இதனால் அவரது நிகழ்ச்சிகள் அனைத்தும் ரத்து செய்யப்பட்டுள்ளது.
இது குறித்து அவரது மேனேஜர் கய் ஒசியாரி கூறும்போது “மடோனா தீவிரமான பாக்டீரியா தொற்றால் பாதிக்கப்பட்டுள்ளார். அவரது உடல்நிலை தற்போது தேறி வருகிறது. இருப்பினும் அவர் பல நாட்கள் ஆஸ்பத்திரியில் சிகிச்சை பெறுவார். அவர் சிறப்பு மருத்துவர்களின் கண்காணிப்பில் இருக்கிறார். அவரது நிகழ்ச்சிகள் அனைத்தும் ரத்து செய்யப்பட்டுள்ளது. அவர் நலமாகி திரும்பி வந்ததும் நிகழ்ச்சியில் பங்கேற்பது குறித்து முடிவு செய்வார்” என்றார்.