ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
உதயநிதியின் நடிப்பில் மாரி செல்வராஜின் இயக்கத்தில் உருவான மாமன்னன் திரைப்படம் சில நாட்களுக்கு முன்பு திரையில் வெளியானது. இதுவரை உதயநிதியின் படங்களுக்கு இல்லாத ஒரு எதிர்பார்ப்பு மாமன்னன் படத்திற்கு இருந்தது. அதற்கு காரணம் இப்படம் உதயநிதியின் கடைசி படம் என்பதாலும், அவர் மாரி செல்வராஜுடன் முதல் முறையாக இணைகிறார் என்பதும் தான்.
மேலும் வடிவேலு இப்படத்தில் மிக முக்கியமான ரோலில் அதுவும் நகைச்சுவை இல்லாத ஒரு கதாபாத்திரத்தில் நடிக்கின்றார் என்றவுடன் படத்தின் மீதான எதிர்பார்ப்பு பலமடங்கு உயர்ந்தது. இதையடுத்து ஃபஹத் பாசில், கீர்த்தி சுரேஷ் என மிகப்பெரிய நட்சத்திர பட்டாளமே இப்படத்தில் நடித்தது, ஏ.ஆர் ரஹ்மான் இசையமைத்தது என பல சிறப்பான விஷயங்கள் மாமன்னன் படத்தில் இடம்பெற்றது.
ஐந்தாம் நாள் வசூல்
இந்நிலையில் இப்படம் பக்ரீத் பண்டிகையை முன்னிட்டு திரையில் வெளியாகி ரசிகர்களின் ஆதரவை பெற்று வருகின்றது. நடிகர்களின் நடிப்பு, மாரி செல்வராஜ் எடுத்துக்கொண்ட கதைக்களம், அழுத்தமான காட்சிகள் மற்றும் வசனங்கள் என படத்தில் அனைத்து விஷயங்களும் சிறப்பாக இருந்ததாக ரசிகர்கள் பாராட்டி வருகின்றனர்.
Jailer promo: நல்லது நடக்கணும் தலைவா..ட்விஸ்ட் வைத்த நெல்சன்..ஜோராக வெளியான ஜெயிலர் ப்ரோமோ..!
என்னதான் சில குறைகள் இருந்தாலும் பெரும்பாலான ரசிகர்கள் மாமன்னன் படத்தை பாராட்டியே வருகின்றனர். இந்நிலையில் இப்படம் வெளியான முதல் நாளில் சுமார் பத்து கோடி வரை வசூலித்தது. அடுத்தடுத்த நாட்களிலும் வசூல் நன்றாகவே இருந்தது. எனவே படக்குழு மாமன்னன் வெற்றிவிழாவை கொண்டாடினார்கள்.
படம் வெளியான இரண்டே நாட்களில் வெற்றி விழாவா என சிலர் இதனை விமர்சித்தாலும் வசூல் ரீதியாகவும் இப்படம் ஒரு வெற்றிப்படமாக உருவெடுத்துள்ளது. அந்த வகையில் இப்படம் வெளியான ஐந்து நாட்களில் மொத்தம் 45 கோடிவரை வசூலித்துள்ளது. ஐந்து நாட்களில் இப்படம் ஐம்பது கோடிவரை வசூலித்துள்ளது பெரிய விஷயமாகும்.
சாதனை படைத்த மாமன்னன்
மேலும் இந்த வாரமும் பெரிய படங்கள் எதுவும் வெளியாகாததால் மாமன்னன் திரைப்படம் மிகப்பெரிய வசூலை எதிர்வரும் நாட்களில் ஈட்டும் என எதிர்பார்க்கப்படுகின்றது. இந்நிலையில்
உதயநிதி
தன் கடைசி படத்தை ஒரு தரமான படமாக மட்டுமல்லாமல் அனைவர்க்கும் லாபகரமான படமாக கொடுத்த திருப்தியில் அவர் சினிமாவை விட்டு விலகி அரசியலில் முழுமையாக களமிறங்கலாம் என பேசி வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதைத்தொடர்ந்து இப்படத்தின் மூலமாக வைகைப்புயல் வடிவேலு மீண்டும் வெற்றிப்பாதைக்கு திரும்பியுள்ளார். அடுத்தடுத்து அவர் படங்களில் விறுவிறுப்பாக கமிட்டாகி நடித்து வருகின்றார் என்பதும் குறிப்பிடத்தக்கது.