திருமண போட்டோ சூட் சர்ச்சைக்கு விளக்கம் கொடுத்த ரேஷ்மா
விஜய் டிவியில் ஒளிபரப்பான பிக்பாஸ் சீசன் 3 நிகழ்ச்சியில் கலந்து கொண்ட ரேஷ்மா, அதன்பிறகு வேலைன்னு வந்துட்டா வெள்ளைக்காரன் படத்தில் புஷ்பா என்ற கேரக்டரில் நடித்து பிரபலமானார். தொடர்ந்து சில படங்கள் மற்றும் சீரியல்களிலும் அவர் நடித்து வருகிறார். இந்நிலையில் சில தினங்களுக்கு முன்பு நடிகர் நரேனுடன் இணைந்து தான் எடுத்துக் கொண்ட திருமண போட்டோ ஷூட் புகைப்படங்களை இன்ஸ்டாகிராமில் பதிவிட்டு இருந்தார் ரேஷ்மா. ஆனால் ஏற்கனவே இதே புகைப்படங்களை நடிகர் நரேனும் முன்பு தனது இன்ஸ்டாகிராமில் பதிவிட்டிருந்தார். அதே புகைப்படத்தை இப்போது ரேஷ்மாவும் பதிவு செய்ததால் ரசிகர்கள் மத்தியில் குழப்பம் ஏற்பட்டது. இவர்கள் இருவரும் திருமணம் செய்து கொண்டதாக சோசியல் மீடியாவில் வாழ்த்து சொல்லத் தொடங்கினார்கள். இந்த நிலையில் ஒரு வீடியோ மூலம் அதற்கு விளக்கம் கொடுத்து இருக்கிறார் ரேஷ்மா. அதில், அந்த திருமண போட்டோசூட் உண்மையானது அல்ல. மேகசின் ஒன்றின் விளம்பரத்திற்காக எடுக்கப்பட்டது என்று தெரிவித்திருக்கிறார். இதன் காரணமாக இந்த போட்டோசூட் குறித்து வெளியான வதந்திகள் முடிவுக்கு வந்துள்ளது.