சின்னத்திரையிலிருந்து தனது கெரியரை துவங்கிய தற்போது தமிழ் சினிமாவில் தவிர்க்க முடியாத பிரபல நடிகராக திகழ்பவர் சிவகார்த்திகேயன். மிக குறுகிய காலத்தில் தமிழ் சினிமாவின் நம்பிக்கை நட்சத்திரமாக வளர்ந்துள்ள இவர் ஆரம்ப காலத்தில் டான்ஸ், மிமிக்ரி என தனக்கு கிடைக்கும் மேடைகளில் எல்லாம் தன்னுடைய திறமைகளில் வெளிக்காட்டி வந்தார்.
இதனையடுத்து சின்னத்திரையிலிருந்து வெளித்திரையில் நுழைந்த சிவகார்த்திகேயனுக்கு என்று தற்போது தனியொரு ரசிகர்கள் பட்டாளம் உள்ளது. இவரது நடிப்பில் அடுத்ததாக ‘மாவீரன்’ படம் வெளியாகவுள்ளது. இந்தப்படத்திற்கான புரமோஷன் பணிகள் தற்போது படு ஜோராக நடந்து வருகிறது. தமிழ், தெலுங்கு மொழியில் வெளியாகவுள்ள இந்தப்படத்தின் புரமோஷனுக்காக மும்முரமாக களமிறங்கியுள்ளார் சிவகார்த்திகேயன்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் ‘மாவீரன்’ படத்தின் புரமோஷன் நிகழ்ச்சி ஹைதராபாத்தில் நடைபெற்ற சமயத்தில் சிவகார்த்திகேயன் தொடர்பான சீக்ரெட் ஒன்று வெளியாகியுள்ளது. அதாவது ‘மாவீரன்’ ப்ரீ ரிலீஸ் நிகழ்ச்சி ஹைதராபாத்தில் நடைபெற்றது. இதில் கலந்துக்கொண்ட பிரபல இயக்குனர் அதிவி சேஷ், சிவகார்த்திகேயன் விரைவில் பாலிவுட் சினிமாவில் அறிமுகமாகவுள்ளதாக தெரிவித்துள்ளார். இந்த சீக்ரெட்டை போட்டுடைத்தற்காக அவர் சிவகார்த்திகேயனிடம் மன்னிப்பு கேட்டுள்ளார்.
இதற்கு சிவகார்த்திகேயன் மறுப்பு எதுவும் தெரிவிக்கவில்லை. இதனால் அவர் பாலிவுட்டில் அறிமுகமாகவுள்ளது கன்பார்ம் ஆகியுள்ளது. தனுஷ், விஜய் சேதுபதியை தொடர்ந்து சிவகார்த்திகேயனும் இந்தி சினிமாவில் கால் பதிக்கவுள்ளது அவரது ரசிகர்கள் மத்தியில் பெரும் எதிர்பார்ப்பினை கிளப்பியுள்ளது. சிவகார்த்திகேயன் தற்போது நடித்து முடித்துள்ள ‘மாவீரன்’ படத்தினை மடோன் அஸ்வின் இயக்கியுள்ளார்.
Ajith: போடு வெடிய.. ‘விடாமுயற்சி’ படம் குறித்து வெளியாகியுள்ள நல்ல சேதி.!
இவர் யோகி பாபு நடிப்பில் வெளியாகி அமோக வரவேற்பினை பெற்ற ‘மண்டேலா’ படத்தினை இயக்கியவர். தனது முதல் படத்திலே தேசிய விருதினை பெற்று அனைவரையும் ஆச்சரியத்தில் ஆழ்த்தினார். இவரது இயக்கத்தில் தற்போது சிவகார்த்திகேயன் நடித்துள்ளது ரசிகர்கள் மத்தியில் பெரும் எதிர்பார்ப்பினை கிளப்பியுள்ளது.
‘மாவீரன்’ படத்தில் சிவகார்த்திகேயன் ஜோடியாக பிரம்மாண்ட இயக்குனர் ஷங்கரின் மகள் அதிதி நடித்துள்ளார். மேலும் வில்லனாக மிஷ்கின் நடித்துள்ள இந்தப்படத்தில் சரிதா, யோகி பாபு உள்ளிட்டோர் முக்கியமான ரோலில் நடித்துள்ளனர். ‘மாவீரன்’ படம் வரும் ஜுலை 14 ஆம் தேதி திரையரங்குகளில் வெளியாகவுள்ளது. சிவகார்த்திகேயன் தற்போது உலக நாயகன் கமல் தயாரிப்பில் ‘எஸ்கே 21’ படத்தில் நடித்து வருகிறார். இதன் படப்பிடிப்பு தற்போது காஷ்மீரில் நடைபெற்று வருவது குறிப்பிடத்தக்கது.
Maamannan: 9 நாட்களில் 52 கோடி ரூபாய் வசூல்: ‘மாமன்னன்’ வெற்றி விழாவில் உதயநிதி.!