துள்ளுவதோ இளமை படம் மூலம் தனுஷ் நடிகராகவும், செல்வராகவன் இயக்குநராகவும் தமிழ் திரையுலகில் அறிமுகமானார்கள். முதல் படத்திலேயே அனைவரின் கவனத்தையும் ஈர்த்தது இந்த கூட்டணி.
திமுகவில் சாதிய பாகுபாடா?ரஞ்சித் குற்றச்சாட்டுக்கு அமைச்சர் உதயநிதி பதில்!!
காதல் கொண்டேன், புதுப்பேட்டை, மயக்கம் என்ன, நானே வருவேன் ஆகிய படங்களை தனுஷை வைத்து இயக்கினார் செல்வராகவன். இயக்குநராக திரையுலகிற்கு வந்த செல்வராகவன் தற்போது நடிப்பதிலும் பிசியாகிவிட்டார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் தன் தம்பி தனுஷ் இயக்கி வரும் டி50 படத்தில் செல்வராகவன் முக்கிய கதாபாத்திரத்தில் நடிப்பதாக தகவல் வெளியாகியுள்ளது. அதிகமாக கண் சிமிட்டினால் கூட ரீடேக் சொல்வார் அண்ணன். ஒரு இயக்குநராக அவரை திருப்திபடுத்துவது மிகவும் கடினம் என்பார் தனுஷ்.
அவர் எப்படி தன் அண்ணனை இயக்கப் போகிறார் என்பதை பார்க்க ரசிகர்கள் ஆவலாக உள்ளனர். இருப்பினும் தனுஷ் இயக்கத்தில் செல்வராகவன் நடிப்பது குறித்த அதிகாரப்பூர்வ அறிவிப்பு எதுவும் இதுவரை வெளியாகவில்லை.
சென்னையில் அமைக்கப்பட்டுள்ள செட்டில் தான் டி50 படப்பிடிப்பு நடந்து வருகிறது. ஒரே ஷெட்யூலில் படத்தை முடிக்க திட்டமிட்டிருக்கிறார் தனுஷ். சந்தீப் கிஷனும், எஸ்.ஜே. சூர்யாவும் தனுஷின் சகோதரர்களாக நடிக்கிறார்கள்.
சந்தீப் கிஷனுக்கு ஜோடியாக அபர்ணா பாலமுரளி நடித்து வருகிறார். காளிதாஸ் ஜெயராம், துஷாரா விஜயன் ஆகியோரும் முக்கிய கதாபாத்திரங்களில் நடிக்கிறார்கள்.
டி50 படத்திற்கு இசைப்புயல் ஏ.ஆர். ரஹ்மான் இசையமைக்கிறார். படத்தை சன் பிக்சர்ஸ் நிறுவனம் தயாரித்து வருகிறது.
முன்னதாக அருண் மாதேஸ்வரன் இயக்கத்தில் கேப்டன் மில்லர் படத்தில் நடித்து வந்தார் தனுஷ். அந்த படத்திற்காக தாடி, மீசையை நீளமாக வளர்த்திருந்தார். படப்பிடிப்பு முடிந்த உடன் தன் மகன்கள் யாத்ரா, லிங்காவுடன் திருப்பதி ஏழுமலையான் கோவிலுக்கு சென்று மொட்டை அடித்துவிட்டு வந்தார்.
டி50 படத்தில் மொட்டைத் தலையுடன் தான் தனுஷ் வருவார் என்று கூறப்படுகிறது. படப்பிடிப்பு தளத்தில் இருந்து எந்த தகவலும் கசிந்துவிடக் கூடாது என்பதில் கவனமாக இருக்கிறார் இயக்குநர் தனுஷ்.
Dhoni: என்னை சி.எஸ்.கே.வில் சேர்த்துக்கோங்கனு கேட்ட யோகி பாபு: நச் பதில் அளித்த தோனி
தன்னை பாலிவுட்டில் அறிமுகம் செய்து வைத்த ஆனந்த் எல். ராய் இயக்கத்தில் மீண்டும் நடிக்கிறார் தனுஷ். தேரே இஷ்க் மெய்ன் என பெயர் வைக்கப்பட்டுள்ள அந்த படத்தில் முதலில் விக்கி கௌஷல் நடிப்பதாக இருந்ததாக பேச்சு கிளம்பியது.
விக்கி கௌஷலுடன் தான் முதலில் பேச்சுவார்த்தை நடத்தினாராம் ஆனந்த் எல்.ராய். அதன் பிறகு தனுஷை ஒப்பந்தம் செய்துவிட்டார்.
இது தவிர்த்து சேகர் கம்முலா இயக்கத்தில் நடிக்கிறார் தனுஷ். மேலும் தன்னை வைத்து கர்ணன் படத்தை இயக்கிய மாரி செல்வராஜுடன் சேர்ந்து மீண்டும் படம் பண்ணுகிறார்.
மேலும் நெல்சன் திலீப்குமார் இயக்கத்தில் நடிக்கவிருக்கிறார். அந்த படத்தை உலக நாயகன் கமல் ஹாசன் தயாரிக்கிறார். சூப்பர் ஸ்டார் ரஜினிகாந்தை வைத்து ஜெயிலர் படத்தை எடுத்திருக்கிறார் நெல்சன். அந்த படம் ஆகஸ்ட் மாதம் 10ம் தேதி ரிலீஸாகவிருக்கிறது.
Dhanush:ஜெயிலரை அடுத்து தனுஷ் படத்தை இயக்கும் நெல்சன்: கமல், அனிருத்தும் இருக்காங்க
ஜெயிலர் ரிலீஸுக்கு பிறகு தனுஷ் பட வேலையை துவங்குவாராம் நெல்சன். அடுத்த ஆண்டு படப்பிடிப்பை துவங்க திட்டமிட்டுள்ளார் நெல்சன் திலீப்குமார்.
செல்வராகவனோ 7ஜி ரெயின்போ காலனி படத்தின் இரண்டாம் பாகத்தை இயக்க ஸ்க்ரிப்ட் எழுதிக் கொண்டிருக்கிறார் என்பது குறிப்பிடத்தக்கது.