துருவ் விக்ரமின் சம்பளம் என்ன?
நடிகர் விக்ரமின் மகன் துருவ். ஆதித்யா வர்மா, மகான் ஆகிய படங்களில் முதன்மை கதாபாத்திரங்களில் நடித்திருந்தார். அடுத்து மாரி செல்வராஜ் இயக்கத்தில் உருவாகும் கபடி வீரர் மனத்தி கணேசன் வாழ்க்கை வரலாறு படத்தில் கதாநாயகனாக நடிக்க உள்ளார். ஆகஸ்ட் மாதத்தில் இப்படத்தின் படப்பிடிப்பு துவங்குகிறது.
இதை தொடர்ந்து டாடா பட இயக்குனர் கணேஷ் கே பாபு இயக்கத்தில் ஒரு படத்தில் நடிக்கவுள்ளார். ஏ.ஆர்.ரஹ்மான் இசையமைக்கும் இந்த படத்தை லைகா புரொடக்சன்ஸ் நிறுவனம் தயாரிப்பதாக ஏற்கனவே தகவல்கள் வெளியானது.
இந்த நிலையில் இந்த படத்திற்காக துருவ் விக்ரம் சம்பள தொகை குறித்து தகவல் வெளியாகியுள்ளது. அதன்படி, இந்த படத்திற்காக துருவ் விக்ரம் ரூ.3 கோடி சம்பளம் பெற்றுள்ளதாக கூறப்படுகிறது.