ராகவா லாரன்ஸ் தம்பி நடிக்கும் ‛புல்லட்'
டைரி பட இயக்குனர் இன்னிசை பாண்டியன் இயக்கத்தில் முதல் முறையாக ஹீரோவாக ராகவா லாரன்ஸ்-ன் தம்பி எல்வின் லாரன்ஸ் அறிமுகமாகிறார் . இதில் அவருக்கு ஜோடியாக வைஷாலி ராஜ் நடிக்கிறார். 5 ஸ்டார் பிலிம்ஸ் தயாரிக்கும் இந்த படத்திற்கு சாம்.சி.எஸ் இசையமைக்கிறார். நேற்று இந்த படத்தின் படப்பிடிப்பு பூஜையுடன் துவங்கியது.
இந்த நிலையில் இன்று இந்த படத்தின் டைட்டில் லுக் வெளியாகியுள்ளது. இந்த படத்திற்கு ‛புல்லட்' என்று தலைப்பு வைத்துள்ளனர். கூடுதலாக இந்த படத்தில் முக்கிய கதாபாத்திரத்தில் ராகவா லாரன்ஸ் நடிப்பதாக தனது டுவிட்டர் பக்கத்தில் லாரன்ஸ் நெகிழ்ச்சியாக பகிர்ந்துள்ளார்.