நெல்சன் திலீப்குமார் இயக்கத்தில் ரஜினி நடிப்பில் உருவாகியுள்ள படம் ‘ஜெயிலர்’. இதன் படப்பிடிப்பு முழுமையாக நிறைவடைந்துள்ள நிலையில், இந்தப்படம் தொடர்பான ஒவ்வொரு அப்டேட்யும் வெளியாகி ரசிகர்கள் மத்தியில் எதிர்பார்ப்பினை கிளப்பி வருகிறது. ஏற்கனவே இந்தப்படத்தின் ‘காவாலா’ பட பாடல் வெளியாகி ரசிகர்கள் மத்தியில் நல்ல வரவேற்பினை பெற்றது.
அனிருத்தின் இசையில் தமன்னாவின் துள்ளலான நடனத்தில் ‘ஜெயிலர்’ படத்தின் முதல் அப்டேட்டாக ‘காவாலா’ பாடல் வெளியானது. இந்தப்பாடல் ஒருசில நெகட்டிவ் விமர்சனங்களை குவித்தாலும் யூடிப் டிரெண்டிங்கில் மாஸ் காட்டியது. அத்துடன் இந்தப்பாடலுக்கு தொடர்ச்சியாக ரசிகர்கள் வைப் செய்து வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து ‘காவாலா’ பாடலை தொடர்ந்து செகன்ட் சிங்கிளாக ‘இது டைகரின் கட்டளை’ என்ற பாடலை வெளியிடவுள்ளதாக கடந்த சில தினங்களுக்கு முன்பாக படக்குழுவினர் அறிவித்தனர். ‘ஹுக்கும்’ என துவங்கும் இந்தப்பாடலின் முன்னோட்ட வீடியோ அண்மையில் வெளியானது. அதில், ‘இங்க நான் தான் கிங். நான் வைச்சது தான் ரூல்ஸ். அந்த ரூல்சை என் இஷ்டத்துக்கு அப்போ அப்போ மாத்திட்டே இருப்பேன். அதை கப்சிப்னு கேட்டுட்டு பாலோ பண்ணனும்.
அதனை விட்டுட்டு ஏதாவது அடாவடித்தனம் பண்ணனும் நினைச்ச, உன்னை கண்ட துண்டமா வெட்டி களைச்சு போட்டுடுவேன் என கொல மாஸாக ரஜினி டையலாக் பேசுவது இடம்பெற்றிருந்தது. இந்த முன்னோட்ட வீடியோ ரசிகர்கள் மத்தியில் பெரும் வரவேற்பினை பெற்றது. இந்நிலையில் தற்போது ‘ஹுக்கும்’ பாடலின் லிரிக்கல் வீடியோ தற்போது வெளியாகியுள்ளது.
Viduthalai Part 2: ‘விடுதலை’ குமரேசன் என்ன பண்றார் பாருங்க: சூரி வெளியிட்ட மாஸ் அப்டேட்.!
இந்தப்பாடலில் இடம்பெற்றுள்ள வரிகள் செம்ம மாஸாக இருப்பதாக இணையத்தில் டிரெண்ட் செய்து வருகின்றனர் ரசிகர்கள். ‘நிலவரம் புரியுதா உட்காருடா. தலைவரு களத்துல சூப்பர் ஸ்டாருடா. எளியவன் மனசுல ஃபிட்டானவன். நீ எண்டு கார்டு வைச்சா இவன் ட்ரெண்ட மாத்தி வைப்பான். குட்டி செவத்த எட்டி பார்த்தா, உசுற கொடுக்க கோடி பேரு. பேர பறிக்க நாலு பேரு. பட்டத்த தூக்க நூறு பேரு’ போன்ற வரிகள் வெறித்தனமாக இருப்பதாகவும் கொண்டாடி வருகின்றனர் ரசிகர்கள்.
‘பேட்ட பராக்’ பாடலுக்கு பிறகு ‘ஹுக்கும்’ ரஜினிக்காகவே செதுக்கப்பட்டுள்ளதாக இணையத்தில் பயர் விடுகின்றனர் நெட்டிசன்கள். ஒரே பாடலில் ஒட்டுமொத்த ரசிகர்களின் எதிர்பார்ப்பினையும் எகிற செய்து விட்டார் நெல்சன் திலீப்குமார். ஜெயிலரில் ரஜினியுடன் ரம்யா கிருஷ்ணன், தமன்னா, வசந்த் ரவி, விநாயகன், மிர்னா உள்ளிட்ட பலர் இணைந்து நடித்து வருகின்றனர். ‘ஜெயிலர்’ படம் வரும் ஆகஸ்ட் 10 ஆம் தேதி ரிலீசாகவுள்ளது குறிப்பிடத்தக்கது.
Thalaivar 171: ரஜினி – லோகேஷ் இணையும் படம் குறித்த சூப்பரான தகவல்: சம்பவம் பெருசா இருக்க போகுது.!