வனிதாவுக்கு மீண்டும் திருமணமா? – அவர் சொன்னது இதை தான்…
நடிகை வனிதா விஜயகுமாரின் திருமணங்கள் அனைத்தும் சர்ச்சையிலும், பிரிவிலும் முடிந்த நிலையில் பிக்பாஸ் நிகழ்ச்சிக்கு பிறகு சின்னத்திரையிலும் வெள்ளித்திரையிலும் கம்பேக் கொடுத்துள்ளார். அதைத்தவிர மாடலிங், பொட்டிக், காஸ்மட்டிக் கடை என பிசினஸிலும் தற்போது கலக்கி வருகிறார். சினிமாவில் ரீ-எண்ட்ரி கொடுத்துள்ள வனிதாவுக்கு வரிசையாக படங்கள் குவிந்து வருகிறது.
இந்நிலையில், அண்மையில் பேட்டி ஒன்றில் பேசிய அவர் திடீரென தான் ரகசிய திருமணம் செய்து கொண்டதாக கூறினார். இதைபார்க்கும் ரசிகர்கள் பலரும் வனிதாவுக்கு மீண்டும் திருமணமா? என்று அதிர்ச்சி அடைந்தனர்.
ஆனால், அவர் உண்மையில் எந்தவொரு நபரையும் திருமணம் செய்து கொள்ளவில்லை. தான் நேசிக்கும் சினிமாவை தான் மீண்டும் காதலித்து திருமணம் செய்து கொண்டதாக கூறியுள்ளார். மேலும், இனி தன்னுடைய கவனம் முழுவதும் சினிமாவில் மட்டுமே இருக்குமென்பதால் இனி விவாகரத்துக்கு வாய்ப்பேயில்லை என்று கூறியுள்ளார்.