தமிழ் சினிமாவில் முன்னணி நடிகராக திகழ்பவர் சூர்யா. இவரது நடிப்பில் மிகுந்த எதிர்பார்ப்பிற்கு மத்தியில் ‘கங்குவா’ படம் உருவாகி வருகிறது. சிறுத்தை சிவா இயக்கி வரும் இந்தப்படம் கோலிவுட் சினிமாவின் அடுத்த பிரம்மாண்ட ரிலீசாக இருக்கும் என கூறப்படுகிறது. இந்நிலையில் ‘கங்குவா’ படம் குறித்து வெளியாகியுள்ள லேட்டஸ்ட் தகவல் சோஷியல் மீடியாவில் வைரலாகி வருகிறது.
தமிழ் சினிமாவில் கமர்ஷியல் படங்களை இயக்கி தொடர்ச்சியாக ஹிட் கொடுத்து வருபவர் இயக்குனர் சிறுத்தை சிவா. இவரது இயக்கத்தில் பேமிலி டிராமாவாக வெளியான வீரம், வேதாளம், விவேகம், அண்ணாத்த படங்கள் வெளியாகி அமோக வரவேற்பினை பெற்றிருந்தது. இதனையடுத்து தனது வழக்கமான மேக்கிங் ஸ்டைலில் இருந்து மாறி ‘கங்குவா’ படத்தினை இயக்கி வருகிறார் சிறுத்தை சிவா.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படம் மூலம் சூர்யாவுடன் முதன்முறையாக இணைந்துள்ளார். ‘சூர்யா 42’ என்ற பெயரில் பூஜையுடன் இந்தப்படம் துவங்கியது. இதுவரை இல்லாத அளவிற்கு சூர்யாவின் சினிமா கெரியரில் அதிக பட்ஜெட்டில் இந்தப்படம் தயாராகி வருகிறது. அண்மையில் ‘கங்குவா’ என்ற டைட்டிலுடன் ‘சூர்யா 42’ பட மோஷன் போஸ்டர் மிரட்டலாக வெளியானது.
அத்துடன் ரிலீசுக்கு முன்பாகவே ‘கங்குவா’ படத்தின் சேட்டிலைட், டிஜிட்டல் மற்றும் சேட்டிலைட் உரிமை பல கோடி ரூபாய்க்கு விற்று தீர்த்துள்ளது. பத்துக்கும் மேற்பட்ட மொழிகளில் உருவாகி வரும் இந்தப்படத்தில் பல கெட்டப்களில் நடிக்கிறார் சூர்யா. இதன் படப்பிடிப்பு கடந்த சில மாதங்களாகவே மும்முரமாக நடந்து வந்தது. இதன் ஷுட்டிங் கிட்டத்தட்ட இறுதிக்கட்டத்தை நெருங்கியுள்ளதாக கூறப்படுகிறது.
‘லால் சலாம்’ பட நடிகை, அவரது கணவருக்கு ஓராண்டு சிறை தண்டனை: திரையுலகில் பரபரப்பு.!
இந்நிலையில் ‘கங்குவா’ படத்தின் அதிரடி அப்டேட்டை படக்குழுவினர் வெளியிட்டுள்ளனர். அதன்படி நாளை காலை 11 மணிக்கு இந்தப்படத்தின் கிளிம்ஸ் வீடியோ குறித்த அறிவிப்பு வெளியாக உள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது. சூர்யாவின் பிறந்தநாளை முன்னிட்டு வரும் ஜுலை 23 ஆம் தேதி இந்த கிளிம்ஸ் வீடியோ வெளியாகும் என எதிர்பார்க்கப்படுகிறது. இந்த அறிவிப்பு சூர்யா ரசிகர்கள் மத்தியில் கொண்டாட்டத்தை ஏற்படுத்தியுள்ளது.
ஸ்டுடியோ கிரீன் நிறுவனம் பிரம்மாண்டமாக தயாரிக்கும் ‘கங்குவா’ படத்திற்கு ஜிவி பிரகாஷ் குமார் இசையமைக்கிறார். இந்தப்படத்தில் பிரபல பாலிவுட் நடிகை திஷா பதானி ஹீரோயினாக நடிக்கிறார். ‘கங்குவா’ படம் சரித்திர பின்னணியில் உருவாகி வருவது குறிப்பிடத்தக்கது.
சமந்தாவை போல் அரிய வகை நோயால் அவதிப்படும் மற்றொரு தமிழ் நடிகை: ரசிகர்கள் அதிர்ச்சி.!