அடுத்த தமிழ் படம் : டாப்சி வெளியிட்ட தகவல்
வெற்றிமாறன் இயக்கிய ஆடுகளம் படத்தில் தனுசுக்கு ஜோடியாக நடித்தவர் டாப்சி. அதன்பிறகு ஆரம்பம், வந்தான் வென்றான் என பல படங்களில் நடித்தவர், 2021ம் ஆண்டு விஜய் சேதுபதிக்கு ஜோடியாக அனபெல் சேதுபதி என்ற படத்தில் நடித்திருந்தார். இந்த நிலையில் மீண்டும் தான் ஒரு தமிழ் படத்தில் நடித்து வருவதாக அவர் ஒரு தகவல் வெளியிட்டு இருக்கிறார். அதில், ஏலியன் சம்பந்தப்பட்ட கதையில் உருவாகி வரும் இந்த படத்தின் படப்பிடிப்பு தற்போது நடைபெற்று வருகிறது. இது ஒரு அழுத்தமான கான்செப்டில் உருவாகிறது. நான் இதில் ஏலியனாக நடிக்கவில்லை என்று தெரிவித்திருக்கிறார் டாப்சி. அதோடு ஏற்கனவே நான் நடித்து வெளியான கேம் ஓவர் படத்தை ரசித்தவர்களுக்கு இந்த படம் கண்டிப்பாக பிடிக்கும். இந்த படத்தில் நடிப்பது எனக்கு ஒரு வித்தியாசமான அனுபவமாக இருக்கிறது என்றும் அவர் தெரிவித்துள்ளார்.