விஜய், லோகேஷ் கனகராஜ் கூட்டணி இணைந்துள்ள ‘லியோ’ கோலிவுட் சினிமாவே பெரிதும் எதிர்பார்க்கும் படமாக உருவாகியுள்ளது. இதன் படப்பிடிப்பு முழுவதுமாக நிறைவடைந்துள்ளதை தொடர்ந்து போஸ்ட் புரொடக்ஷன் மற்றும் டப்பிங் பணிகள் அடுத்தடுத்து துவங்கி நடக்கும் என கூறப்படுகிறது. மற்றொரு பக்கம் ‘லியோ’ படத்திற்கான பிசினஸ் பணிகளும் மும்முரமாக நடந்து வருகிறது.
தமிழ் சினிமாவின் தற்போதைய முன்னணி இயக்குனரான லோகேஷ் கனகராஜ் தனது மூன்றாவது படத்திலே விஜய்யை இயக்கும் வாய்ப்பினை கைப்பற்றினார். இவரகளின் கூட்டணியில் முதன்முதலாக ‘மாஸ்டர்’ படம் வெளியானது. பாக்ஸ் ஆபிஸில் வரவேற்பினை பெற்ற இந்தப்படத்தில் லோகேஷின் டச் இல்லையென ரசிகர்கள் பெரிதும் வருத்தப்பட்டனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து தற்போது இரண்டாவது முறையாக விஜய், லோகேஷ் கனகராஜ் கூட்டணி ‘லியோ’ படத்தில் இணைந்துள்ளனர். மாஸ்டரை போல் அல்லாமல் இந்தப்படம் முழுக்க தன்னுடைய பாணியில் இருக்கும் என தெரிவித்துள்ளார் லோகேஷ் கனகராஜ். இதனால் இந்தப்படத்தில் மிகப்பெரிய ட்ரீட் இருக்கும் என ரசிகர்கள் பெரிதும் எதிர்பார்க்கின்றனர். மேலும் இந்தப்படத்தில் லோகேஷ் கனகராஜின் எல்சியூ இடம்பெறுமா என்பதும் ரசிகர்களின் மிகப்பெரிய கேள்வியாக உள்ளது.
அதாவது லோகேஷ் கனகராஜின் முந்தைய படங்களில் இடம்பெற்ற கதாபாத்திரங்களில் அவரது அடுத்த படத்திலே இடம்பெறும். உதாரணமாக ‘கைதி’ படத்தில் இருந்த பல கதாபாத்திரங்கள் விக்ரமில் இடம்பெற்றிருந்தனர். தற்போது அதே பாணியில் லியோ உருவாகிறதா என்பதே ரசிகர்களின் பெரிய எதிர்பார்ப்பாக உள்ளது. ஆனால் படத்தின் ரிலீசுக்கு பிறகு தான் அது தெரியும் என லோகேஷ் உறுதியாக கூறி வருகிறார்.
Kanguva: கிங் வருகிறார்.. சம்பவம் செய்யப்போகும் ‘கங்குவா’: சூப்பரான அறிவிப்பு.!
இந்நிலையில் ‘லியோ’ படத்தின் பிசினஸ் குறித்த தகவல்கள் வெளியாகி இணையத்தில் வைரலாகி வருகிறது. அதன்படி இந்தப்படத்தின் டிஜிட்டல், சாட்டிலைட், ஆடியோ உரிமைகள் ஏற்கனவே விற்பனையாகி விட்டன. அதே போல் கேரளா, கர்நாடாக, இந்தி, தெலுங்கு மாநிலங்கள் ரிலீஸ் உரிமை, வெளிநாட்டு ரிலீஸ் உரிமை என அனைத்தும் மூன்று மாதங்களுக்கு முன்பே பக்காவாக முடிந்து விட்டதாக தகவல்கள் வெளியாகியுள்ளன.
இன்னமும் தமிழ்நாடு ரிலீஸ் உரிமை மட்டும் மீதமுள்ளதாகவும், அதற்கான பேச்சுவார்த்தை தற்போது மும்முரமாக நடந்து வருவதாகவும் தகவல்கள் வெளியாகியுள்ளன. ஆரம்பத்திலிருந்தே ‘லியோ’ படத்திற்கான பிசினஸ் மற்றும் புரமோஷன் பணிகளை பக்காவான பிளானுடன் தயாரிப்பாளர் லலித் செய்து வருவதாக விஜய் ரசிகர்கள் பாராட்டி தள்ளி வருகின்றனர். ‘லியோ’ படம் வரும் அக்டோபர் 19 ஆம் தேதி வெளியாகவுள்ளது குறிப்பிடத்தக்கது.
‘லால் சலாம்’ பட நடிகை, அவரது கணவருக்கு ஓராண்டு சிறை தண்டனை: திரையுலகில் பரபரப்பு.!