சிவகார்த்திகேயன் நடிப்பில் அஸ்வினின் இயக்கத்தில் உருவான மாவீரன் திரைப்படம் சில தினங்களுக்கு முன்பு திரையில் வெளியானது. சிவகார்த்திகேயனுடன் இப்படத்தில் அதிதி ஷங்கர், யோகி பாபு, சரிதா என பலர் நடிக்க இயக்குனர் மிஸ்கின் இப்படத்தில் வில்லனாக நடித்துள்ளார்.
என்னதான் மாவீரன் படத்திற்கு மிகப்பெரிய எதிர்பார்ப்பு இருந்தாலும் படத்தின் முன்பதிவு எதிர்பார்த்த அளவிற்கு இல்லை. இருந்தாலும் மாவீரன் திரைப்படத்திற்கு பாசிட்டிவான விமர்சனங்கள் வர அடுத்தடுத்த காட்சிகளுக்கு ரசிகர்களின் கூட்டம் அலைமோதியது.
மாவீரன் வசூல் சாதனை
இதையடுத்து படத்தின் வசூலும் நாளுக்கு நாள் அதிகரித்த வண்ணம் இருந்தன. மேலும் இப்படத்தின் தயாரிப்பாளரான அருண் விஸ்வா இப்படத்தின் வசூல் நிலவரத்தை அதிகாரபூர்வமாக அறிவித்தார். இந்நிலையில் மாவீரன் படத்தில் சிவகார்த்திகேயனின் நடிப்பு மற்றும் யோகி பாபுவின் காமெடி ஹைலைட்டான விஷயமாக அமைந்தது என்றுதான் சொல்லவேண்டும்.
முதல் முறையாக இணைந்து நடிக்கும் சூர்யா – கார்த்தி..இயக்குனர் யார் தெரியுமா ?
குறிப்பாக சிவகார்த்திகேயன் இப்படத்தில் முற்றிலும் மாறுபட்ட வித்யாசமான ரோலில் நடித்தது ரசிகர்களுக்கு புதுவிதமான அனுபவத்தை தந்தது. ரசிகர்கள் முதல் விமர்சகர்கள் வரை அனைவரும் சிவகார்த்திகேயனின் நடிப்பை பாராட்டி வருகின்றனர். இந்நிலையில் இப்படம் வெளியான முதல் நாளில் கிட்டத்தட்ட 7 கோடிவரை வசூலித்த நிலையில் அடுத்தடுத்த நாட்களில் இப்படத்தின் வசூல் அதிகரித்து கொண்டே தான் சென்றது.
தனுஷை முந்திய சிவகார்த்திகேயன்
இதையடுத்து தற்போது வரை மாவீரன் படம் ஒட்டுமொத்தமாக 70 கோடி வரை வசூலித்துள்ளதாக தகவல் வந்துள்ளது. மேலும் இப்படம் தனுஷின் வாத்தி படத்தின் தமிழ்நாடு வசூலை முந்தியுள்ளது. இதைத்தொடர்ந்து மாவீரன் படத்தின் மூலம் சிவகார்த்திகேயன் தனுஷின் வாத்தி படத்தின் வசூல் சாதனையை முறியடித்துள்ளார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் என்னதான் மாவீரன் படத்திற்கு சில நெகடிவான விமர்சனங்கள் வந்தாலும் பெரும்பாலான ரசிகர்களை இப்படம் முழுமையாக திருப்திபடுத்தி இருக்கின்றது. எனவே தான் இப்படம் வசூலில் சாதனை படைத்து வருகின்றது.
இந்நிலையில் மாவீரன் திரைப்படம் தற்போது லாபகரமான படமாக உருவெடுத்துள்ள நிலையில் படக்குழு மாவீரன் சக்ஸஸ் மேட்டை மிகப்பெரிய அளவில் விரைவில் நடத்தும் என எதிர்கார்க்கப்படுகின்றது குறிப்பிடத்தக்கது.