ரஜினி தற்போது ஜெயிலர் படத்தில் நடித்து முடித்துள்ளார். நெல்சன் இப்படத்தை இயக்க அனிருத் இசையமைத்துள்ளார். மேலும் சன் பிக்சர்ஸ் இப்படத்தை மிகப்பிரம்மாண்டமாக தயாரித்துள்ளனர். தற்போது இப்படத்தின் படப்பிடிப்பு எல்லாம் முடிவடைந்து ரிலீசுக்கு தயாராகி வருகின்றது.
அந்த வகையில் ஜெயிலர் திரைப்படம் ஆகஸ்ட் மாதம் 10 ஆம் தேதி திரையில் வெளியாகின்றது. அதையொட்டி இப்படத்தின் ப்ரோமோஷன் வேலைகளை படக்குழு துவங்கியுள்ளது. அதன்படி ஜெயிலர் படத்தில் இருந்து இதுவரை காவாலா, ஹுக்கும், ஜுஜுபி ஆகிய பாடல்கள் வெளியாகி எதிர்பார்த்ததை விட வரவேற்பை பெற்று யூடியூபில் சாதனை படைத்து வருகின்றது.
நெல்சன் கேட்ட கேள்வி
இது படத்தின் மீதான எதிர்பார்ப்பை மேலும் அதிகரிக்க தற்போது ஜெயிலர் படத்தின் இசை வெளியீட்டு விழா நேற்று சென்னையில் மிகப்பிரம்மாண்டமாக நடைபெற்றது. இவ்விழாவில் ரஜினி, நெல்சன், கலாநிதிமாறன் ஆகியோர் பல விஷயங்களை ரசிகர்களிடம் பகிர்ந்தனர்.
Jailer audio launch: பீஸ்ட் படத்தால் ஏற்பட்ட நெகடிவிட்டி..தலைவர் சொன்ன அந்த ஒரு வார்த்தை..ஓபனாக பேசிய நெல்சன்..!
பல வருடங்களுக்கு பிறகு ரஜினியின் படத்திற்கு இசை வெளியீட்டு விழா நடைபெறுவதால் ரஜினியின் பேச்சை காண ரசிகர்கள் ஆவலாக இருந்தனர். அவ்வாறு ஆவலாக இருந்த ரசிகர்களின் எதிர்பார்ப்பை ரஜினி முழுமையாக பூர்த்தி செய்தார். படத்தை பற்றியும், பல விஷயங்களை பற்றியும் பேசிய ரஜினி நெல்சனை பற்றியும் பேசியுள்ளார்.
அந்த விஷயம் தான் தற்போது இணையத்தில் செம வைரலாகி வருகின்றது. அதாவது ஜெயிலர் படத்தின் முதல் நாள் ஷூட்டிங் முடிந்தவுடன் நெல்சன் என்னிடம் வந்து, உங்க முதல் காதலை பற்றி என்னிடம் சொல்லுங்க சார் என கேட்டார். நான் ஏன் என் முதல் காதல் பற்றி சொல்ல சொல்றிங்க என கேட்டேன்.
ரஜினி சொன்ன பதில்
அதற்கு நெல்சன், என்னை சார்ஜ் ஏத்திக்கத்தான் கேட்டேன் என்றார். அதற்கு நான், இது என்னடா புதுசா இருக்கு என சிரித்தேன் என்றார் ரஜினி. இதுபோல பல விஷயங்களை ரஜினி வெளிப்படையாகவும், ஜாலியாகவும் பேசினார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதையடுத்து நெல்சனும் பீஸ்ட் படத்தினால் ஏற்பட்ட மனஉளைச்சல் மற்றும் அதிலிருந்து எப்படி வெளியே வந்தேன் என்பது பற்றி மிகவும் ஓபனாக பேசினார். இதைத்தொடர்ந்து ரசிகர்கள் அனைவரும் ஜெயிலர் படத்தின் வெளியீட்டிற்காக ஆவலாக எதிர்பார்த்து காத்துக்கொண்டிருக்கின்றனர் என்பது குறிப்பிடத்தக்கது.