'லக்கி சூப்பர் ஸ்டார்' ஆக மாறும் ஜி.வி.பிரகாஷ்
மறைந்த இயக்குனர் மற்றும் தயாரிப்பாளர் கே.பாலசந்தரின் தயாரிப்பு நிறுவனம் கவிதாலயா. பல வெற்றி படங்களை தயாரித்த இந்த நிறுவனம் அவரின் மறைவுக்கு பின் தயாரிப்பில் இருந்து சற்று ஒதுங்கியது. நீண்ட ஆண்டுகளுக்கு பிறகு மீண்டும் பட தயாரிப்பில் ஈடுபடுகின்றனர். இந்த படத்தை உதய் மகேஷ் இயக்குகிறார். குழந்தைகளை கவரும் கதை களத்தில் உருவாகும் இப்படத்தில் ஹீரோவாக ஜி.வி.பிரகாஷ் குமார் நடிக்கிறார். நாயகியாக அனஸ்வரா ராஜன் நடிக்கிறார். இதன் படப்பிடிப்பு துவங்கி நடைபெற்று வருகிறது. இந்த படத்திற்கு தற்போது 'லக்கி சூப்பர் ஸ்டார்' என தலைப்பு வைத்துள்ளதாக தகவல் வெளியாகி உள்ளது. மேலும், இதில் முக்கிய வேடத்தில் நடிகர் சரத்குமார் நடிக்கவுள்ளதாக கூறப்படுகிறது. ஏற்கனவே, ஜி.வி.பிரகாஷ், சரத்குமார் இணைந்து நடித்த அடங்காதே படம் இன்னும் வெளியாகவில்லை என்பது குறிப்பிடத்தக்கது.