மகிழ்திருமேனி இயக்கத்தில் அஜித் குமார் நடிக்கவிருக்கும் படம் விடாமுயற்சி என அதிகாரப்பூர்வ அறிவிப்பு வெளியிட்டது லைகா நிறுவனம். படப்பிடிப்பு மே மாதமே துவங்கும் என்றார்கள். அஜித் பிறந்தநாள் முடிந்த கையோடு படப்பிடிப்பு துவங்கும் என்று எதிர்பார்த்தால் அப்படி எதுவும் நடக்கவில்லை.
கேப்டன் மில்லர் தமிழ் சினிமாவின் பாகுபலி
இதையடுத்து ஜூன் மாதம் என்றார்கள், பின்னர் ஜூலை என்றார்கள். இதற்கிடையே பைக் டூருக்காக வெளிநாட்டிற்கு சென்றுவிட்டார் அஜித். அவர் கடந்த வாரம் சென்னை திரும்பினார். இதையடுத்து ஆகஸ்ட் மாதம் முதல் வாரத்தில் படப்பிடிப்பை துவங்குகிறார் மகிழ்திருமேனி என தகவல் வெளியானது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அப்பாடா, ஒரு வழியாக ஆகஸ்ட்டில் ஷூட்டிங் துவங்கப் போகிறது என அஜித் ரசிகர்கள் நிம்மதி அடைந்தார்கள். இந்நிலையில் தான் அவர்கள் கவலை அடையும்படி ஒரு தகவல் கிடைத்திருக்கிறது.
விடாமுயற்சி படப்பிடிப்பு ஆகஸ்ட் மாதமும் துவங்காதாம். செப்டம்பர் மாதம் துவங்க திட்டமிட்டுள்ளார்கள் என்று படக்குழுவுக்கு நெருக்கமானவர்கள் தெரிவித்துள்ளனர். ஒவ்வொரு மாதம் வரும்போது இந்த மாதமாவது படப்பிடிப்பு துவங்கும் என அஜித் ரசிகர்கள் எதிர்பார்ப்பதும், பின்னர் ஏமாந்து போவதும் வழக்கமாகி வருகிறது.
இந்நிலையில் தான் அது மீண்டும் நடந்திருக்கிறது. ஆகஸ்ட் தான் இல்லை என்றாகிவிட்டது செம்டம்பர் மாதமாவது படப்பிடிப்பு துவங்குமா என்பதே ரசிகர்களின் கவலை.
விடாமுயற்சி படத்தில் அஜித் ஹீரோயினாக நடிக்க த்ரிஷாவிடம் பேச்சுவார்த்தை நடத்தினார்கள் என்று தகவல் வெளியானது. ஒப்பந்தத்தில் கையெழுத்துவிட்டார் த்ரிஷா என்று கூறப்பட்டது. இந்நிலையில் விடாமுயற்சி ஹீரோயின் த்ரிஷா இல்லை தமன்னா என தற்போது கூறப்படுகிறது.
என்ன இப்படியாகிடுச்சே த்ரிஷா: ரசிகர்கள் கவலை
அஜித் படத்தில் நடிக்குமாறு தமன்னாவிடம் பேச்சுவார்த்தை நடந்து வருகிறதாம். முன்னதாக வீரம் படத்தில் அஜித்தும், தமன்னாவும் சேர்ந்து நடித்தார்கள். அதன் பிறகு அவர்கள் சேர்ந்து நடிக்கவில்லை. இந்நிலையில் தான் தமன்னாவை தேடி விடாமுயற்சி பட வாய்ப்பு வந்திருக்கிறதாம்.
தமன்னா தற்போது மகிழ்ச்சியின் உச்சத்தில் இருக்கிறார். ரஜினியின் ஜெயிலர் படத்துக்காக தான் ஆடிய காவாலா பாடல் சூப்பர் ஹிட்டான சந்தோஷத்தில் இருக்கிறார்.
மேலும் ஜெயிலர் இசை வெளியீட்டு விழாவில் ரஜினி முன்பு காவாலா பாடலுக்கு டான்ஸ் ஆடிய சந்தோஷத்திலும் இருக்கிறார். அவர் அஜித் படத்தில் நடிக்க நிச்சயம் சம்மதிப்பார் என்றே கூறப்படுகிறது.
இதற்கிடையே விடாமுயற்சி படம் கைவிடப்பட்டதாக வேறு தகவல் வெளியானது. அதன் பிறகே அது வெறும் வதந்தி என்பது தெரிய வந்தது.
Rajini:இருந்தாலும் நெல்சனுக்கு இம்புட்டு தைரியம் ஆகாது: ரஜினியை பார்த்து அந்த கேள்வியை கேட்டிருக்காரே!
விடாமுயற்சி படப்பிடிப்பு தொடர்ந்து தள்ளிப் போய்க் கொண்டே இருப்பதற்கு என்ன தான் காரணம் என அஜித் ரசிகர்கள் கேள்வி எழுப்பியுள்ளனர். வலிமையை அடுத்து தற்போது விடாமுயற்சி அப்டேட் கேட்டு கெஞ்சிக் கொண்டிருக்கிறார்கள்.
அஜித் ரசிகர்கள் தொடர்ந்து அப்டேட் கேட்பதை பார்த்து பிற நடிகர்களின் ரசிகர்கள் பாவப்படுகிறார்கள். லைகா, ப்ளீஸ் விடாமுயற்சி அப்டேட் கொடுங்கள் என அஜித் ரசிகர்களுக்காக விஜய் ரசிகர்கள் கோரிக்கை விடுத்திருக்கிறார்கள் என்றால் பாருங்களேன்.
இதற்கிடையே விடாமுயற்சி படத்தில் நடிக்கும் நடிகர்கள், நடிகைகளே இன்னும் உறுதி செய்யப்படவில்லை என்று கூறப்படுகிறது. நடிகர்கள் தேர்வே இன்னும் முடியாத நிலையில் படப்பிடிப்பை எப்பொழுது தான் துவங்குவார் மகிழ்திருமேனி என்கிறார்கள் ரசிகர்கள்.