ஐடி நகரமான பெங்களூருவில் மெட்ரோ ரயில் சேவை படிப்படியாக விரிவுபடுத்தப்பட்டு வருகிறது. பர்பிள் லைனில் பெரிதும் எதிர்பார்க்கப்பட்ட 2 கிலோமீட்டர் தூர பையப்பனஹள்ளி டூ கே.ஆர்.புரம் வழித்தட ரயில் சேவை நீட்டிக்கப்பட உள்ளது. தற்போது கெங்கேரி டூ பையப்பனஹள்ளி மற்றும் கே.ஆர்.புரம் டூ கடுகோடி (ஒயிட்பீல்டு) வழித்தடங்களில் மெட்ரோ ரயில் இயக்கப்பட்டு வருகிறது.
ஐடி காரிடர் வழித்தட மெட்ரோஇதில் இடைப்பட்ட தூரத்தை இணைக்கும் பணிகள் நிலம் கையகப்படுத்துவதில் ஏற்பட்ட தாமதம் காரணமாக தள்ளிப் போனது. தற்போது பிரச்சினைகள் முடிந்து பணிகள் இறுதிகட்டத்தை எட்டி நடப்பு மாதம் பயன்பாட்டிற்கு வரும் என்று தெரிவிக்கப்பட்டுள்ளது. ஒயிட்பீல்டு பகுதியை பொறுத்தவரை IT Corridor என்று அழைக்கலாம். அதாவது ஏராளமான தகவல் தொழில்நுட்ப நிறுவனங்கள் வரிசையாக காணப்படுகின்றன.
பையப்பனஹள்ளி டூ கே.ஆர்.புரம் மெட்ரோஇங்கு தினசரி பல்லாயிரக்கணக்கான மக்கள் வேலை நிமித்தமாக சென்று வருகின்றனர். எனவே ஒயிட்பீல்டு மெட்ரோவை பையப்பனஹள்ளி உடன் இணைத்து விட்டால் ரயில் சேவை பயன்பாடு பெரிதும் அதிகரிக்கும் என்பதில் சந்தேகமில்லை. இதுதவிர கெங்கேரி டூ சல்லகட்டா வரையிலான மேற்கு வழித்தட மெட்ரோவை கட்டமைக்க பெங்களூரு மெட்ரோ ரயில் நிர்வாகம் திட்டமிட்டுள்ளது.
மல்டி மோடு கனெக்டிவிட்டிஇந்நிலையில் Multi Modal Connectivity எனப்படும் பல்வகை போக்குவரத்து வசதிகளை எட்டு மெட்ரோ ரயில் நிலையங்களில் அறிமுகம் செய்ய DULT எனப்படும் நகர்ப்புற போக்குவரத்து இயக்குநரகம் பரிந்துரை செய்துள்ளது. இதன்மூலம் கடைசி கிலோமீட்டர் வரை மெட்ரோ இணைப்பை ஏற்படுத்த முடியும். அதாவது ஒரு மெட்ரோ ரயில் நிலையம் இருந்தால் அதை அடைவதற்கு சுற்றுவட்டாரப் பகுதிகளில் உள்ள மக்கள் பேருந்துகள், மினி பேருந்துகள், இருசக்கர வாகனங்கள், டாக்ஸிகள் போன்றவற்றை பயன்படுத்தலாம்.
8 ரயில் நிலையங்கள் இவை தான்மேலும் மோட்டார் அல்லாத சேவைகள் இருக்கின்றன. உதாரணமாக சைக்கிள், நடைபாதை உள்ளிட்டவற்றை குறிப்பிடலாம். இத்தகைய வசதிகளை ஏற்படுத்தி தருவதே மல்டி மோடல் கனெக்டிவிட்டி என்று அழைக்கின்றனர். இதற்காக கடுகோடி (ஒயிட்பீல்டு), ஹோப் பார்ம் சன்னசந்திரா, கடுகோடி ட்ரீ பார்க், பட்டாண்டூர் அக்ரஹாரா, சத்ய சாய் ஹாஸ்பிடல், நல்லூர்ஹள்ளி, குண்டலஹள்ளி, சீதாராமபாலயா ஆகிய 8 ரயில் நிலையங்கள் தேர்வு செய்யப்பட்டுள்ளன.
இரண்டு வழித்தட பேருந்து சேவைகள்இவற்றில் இறுதி செய்யப்பட்ட இரண்டு Feeder Routes எனப்படும் பேருந்து சேவை குறித்து தகவல் கிடைத்துள்ளது. அதாவது, ஒயிட்பீல்டு மெட்ரோ ரயில் நிலையம் (கடுகோடி) டூ ஒயிட்பீல்டூ டூ கன்னமங்கலா டூ ஒஸ்கோட்டே சாலை. மற்றொன்று சன்னசந்திரா மெட்ரோ டூ சன்னசந்திரா மெயின் ரோடு டூ நாகோண்டஹள்ளி மெயின் ரோடு டூ ஒயிட்பீல்டு டூ ஒஸ்கோட்டே சாலை டூ ஹோப்பார்ம் (சன்னசந்திரா மெட்ரோ ரயில் நிலையம்) ஆகும்.
இன்று முதல் அமல்இன்று (ஆகஸ்ட் 1) முதல் 14 பேருந்து சேவைகள் பயன்பாட்டிற்கு வரும் என்று தெரிவிக்கபப்ட்டுள்ளது. பர்பிள் லைன் நீட்டிப்பு திட்டம் பயன்பாட்டிற்கு வருவதற்கு முன்னதாக அனைத்து ஃபீடர் பேருந்து சேவைகளும் செயல்படுத்தப்பட்டால் பொதுமக்களுக்கு பெரிதும் பயனுள்ளதாக இருக்கும் என எதிர்பார்க்கப்படுகிறது.