ரஜினியின் ஜெயிலர் திரைப்படத்தை தான் தற்போது ஒட்டுமொத்த இந்திய திரையுலகமே எதிர்பார்த்து காத்துக்கொண்டிருக்கின்றனர். அந்த அளவிற்கு இப்படம் ரசிகர்கள் மத்தியில் எதிர்பார்ப்பை ஏற்படுத்தியுள்ளது. என்னதான் ரஜினி சமீபகாலமாக ஹிட் கொடுக்கவில்லை என்றாலும், நெல்சனின் முந்தைய படம் சரியாக போகவில்லை என்றாலும் இவ்விருவரின் கூட்டணியில் உருவாகும் ஜெயிலர் திரைப்படத்திற்கு உச்சகட்ட எதிர்பார்ப்பு இருக்கின்றது.
இப்படத்தின் மூலம் இருவரும் மீண்டும் வெற்றிப்பாதைக்கு திரும்புவார்கள் என எதிர்பார்க்கப்படுகின்றது. அதற்கு ஏற்றாற்போல இப்படத்தில் மோகன்லால், ஷிவ்ராஜ்குமார், ஜாக்கி ஷாரூப் என மிகப்பெரிய நட்சத்திர பட்டாளங்களே நடித்துள்ளனர். இதன் காரணமாக ஜெயிலர் தற்போது ஒரு பான் இந்திய படமாக உருவெடுத்துள்ளது.
ரஜினியின் சம்பளம்
மேலும் அனிருத்தின் இசையில் ஜெயிலர் படத்தில் இருந்து வெளியான பாடல்களும் மிகப்பெரிய வரவேற்பை பெற்றது. இந்நிலையில் ஒட்டுமொத்த இந்திய திரையுலகமே எதிர்பார்த்து இருக்கும் ஜெயிலர் படத்திற்காக ரஜினி எவ்வளவு சம்பளம் வாங்கியுள்ளார் என்ற தகவல் தற்போது வெளியாகிவுள்ளது.
Fahadh Faasil: மாமன்னன் ரத்னவேலுவிற்கு கிடைத்த மாபெரும் வரவேற்பு..ஃபஹத் பாசிலின் ரியாக்ஷன் என்ன தெரியுமா ?
அதாவது ஜெயிலர் படத்திற்காக ரஜினி 75 கோடி தான் சம்பளமாக வாங்கியுள்ளார் என ஒரு தகவல் வந்துள்ளது. அதற்கு ஒரு காரணமும் இருக்கின்றதாம். என்னவென்றால் ரஜினியின் நடிப்பில் சமீபகாலமாக வெளியாகும் படங்கள் சொல்லிக்கொள்ளும் அளவிற்கு வெற்றிகளை பெறவில்லை. குறிப்பாக கடைசியாக ரஜினியின் நடிப்பில் வெளியான அண்ணாத்த திரைப்படம் மிகப்பெரிய தோல்வி படமாக அமைந்தது.
பாராட்டும் திரையுலகம்
இப்படத்தையும் சன் பிக்சர்ஸ் தான் தயாரித்திருந்தனர். எனவே தன் முந்தைய படம் தோல்வி என்பதால் அடுத்த படத்திற்கான தன் சம்பளத்தை கணிசமாக குறைத்துள்ளார் ரஜினி. எனவே தான் இப்படத்திற்காக ரஜினி குறைவான சம்பளத்தில் நடித்துள்ளார். இதைகேள்விப்பட்ட ஒட்டுமொத்த கோலிவுட் வட்டாரமே ரஜினியை பாராட்டி புகழ்ந்து வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இதன் காரணமாகத்தான் ரஜினி இன்றளவும் சூப்பர்ஸ்டாராக இருக்கின்றார் என ரசிகர்கள் முதல் திரைபிரபலங்கள் வரை அனைவரும் பாராட்டி வருகின்றனர். இந்நிலையில் ஜெயிலர் திரைப்படம் வெளியாகி மாஸ் ஹிட்டடித்தால் ரஜினி தன் சம்பளத்தை உயர்த்துவார் என எதிர்பார்க்கப்படுவது குறிப்பிடத்தக்கது.