நெல்சனின் இயக்கத்தில் ரஜினியின் நடிப்பில் உருவான ஜெயிலர் படத்திற்கு மிகப்பெரிய எதிர்பார்ப்பு இருந்து வருகின்றது. குறிப்பாக சொல்லவேண்டுமென்றால் இப்படம் துவங்கிய போது இருந்த எதிர்பார்ப்பை விட தற்போது பலமடங்கு எதிர்பார்ப்பு இப்படத்திற்கு இருந்து வருகின்றது. அதற்கு மிக முக்கிய காரணம் படக்குழு செய்த ப்ரோமோஷன்கள் தான் என்றே சொல்லலாம்.
நெல்சன் வழக்கம் போல தன் ஸ்டைலில் இப்படத்தின் முதல் பாடலின் ப்ரோமோவை வெளியிட்டார். அந்த பாடல் மிகப்பெரிய வரவேற்பை பெறவே படத்திற்கு எதிர்பார்ப்பு அதிகரித்தது. இதையடுத்து வெளியான ஹுக்கும் பாடல் பெரும் பரபரப்பை ஏற்படுத்தி ஹிட்டடித்தது.
ரஜினியின் ஜெயிலர்
இவ்வாறு ஜெயிலர் படத்தின் பாடல்கள் வரவேற்பை பெற இப்படத்தின் இசை வெளியீட்டு விழா கடந்த வாரம் நடைபெற்றது. இவ்விழாவில் ரஜினி, நெல்சன், கலாநிதிமாறன் என அனைவரும் படத்தை பற்றி பல சுவாரஸ்யமான விஷயங்களை பேசினார்கள். இது இப்படத்தின் ஹைப்பை மேலும் அதிகரித்தது.
Rajini: சூப்பர்ஸ்டார் பட்டம்…பத்திரிகையாளர்களுக்கு வேண்டுகோள் வைத்த ரஜினி..!இவ்ளோ விஷயம் நடந்திருக்கா ?
இந்நிலையில் ஜெயிலர் திரைப்படம் சிறப்பாக வந்துள்ளதாகவும், படத்தை பார்த்த ரஜினி செம ஹாப்பியாக இருப்பதாகவும் தகவல் வந்துள்ளது. இது ஜெயிலர் படத்தின் இசை வெளியீட்டு விழாவில் ரஜினியின் முகத்திலேயே பிரதிபலித்தது எனலாம். ரஜினி நெல்சனை விழாவில் கட்டி அணைத்தது முதல் அவர் நம்பிகையுடன் பேசியது வரை, அனைத்தையும் பார்க்கும்போது இப்படத்தின் மீது ரஜினிக்கு அதிக நம்பிக்கை இருப்பது தெரிகின்றது.
எனவே ஜெயிலர் திரைப்படம் மிகப்பெரிய வசூலை பெற்று வெற்றி பெரும் என எதிர்பார்க்கப்படுகின்றது. இதெல்லாம் ஒருபக்கம் இருக்கையில் ஜெயிலர் படத்தின் முன்பதிவும் அமோகமான இருப்பதாக அயல்நாட்டில் இருந்து தகவல்கள் வருகின்றன. முன்பதிவின் மூலமே ஜெயிலர் பலகோடி வசூலை பெரும் என எதிர்பார்க்கப்படுகின்றது.
இந்நிலையில் ஜெயிலர் திரைப்படத்தின் எதிரொலியால் கோலிவுட்டில் பல மாற்றங்கள் நிகழ்ந்துள்ளது. அதாவது ஜெயிலர் படத்திற்கு மிகப்பெரிய எதிர்பார்ப்பு இருந்து வருவதால் ஆகஸ்ட் மாதம் வெளியாக இருந்த பல படங்கள் தங்களின் வெளியீட்டை ஒத்திவைத்துள்ளது.
வசூல் சாதனை உறுதி
முதலில் சிவகார்த்திகேயனின் மாவீரன் திரைப்படம் ஆகஸ்ட் வெளியாவதாக இருந்தது. ஆனால் ஜெயிலர் திரைப்படம் வெளியாவதால் மாவீரன் ஜூலை மாதமே வெளியிடப்பட்டது. இதைத்தொடர்ந்து விஷாலின் மார்க் ஆண்டனி, லாரன்ஸின் சந்திரமுகி 2 என பல படங்கள் ஆகஸ்ட் மாதம் வெளியாவதாக இருந்து பின்பு ஒத்திவைக்கப்பட்டது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
எனவே ஜெயிலர் படத்தின் வெளியீட்டிற்கு முன்பும் பின்பும் மூன்று வாரங்களுக்கு எந்த படங்களும் வெளியாகவில்லை. இதையடுத்து ஆகஸ்ட் 10 ஆம் தேதி வெளியாகும் ஜெயிலர் திரைப்படம் மிகப்பெரிய வசூலை குவிக்கும் என்றே எதிர்பார்க்கப்படுகின்றது. மேலும் இப்படம் ரசிகர்களின் எதிர்பார்ப்பை பூர்த்தி செய்யும் பட்சத்தில் வசூலில் மிகப்பெரிய சாதனையை படைக்கும் என்பது குறிப்பிடத்தக்கது.