சிவகார்த்திகேயன் நடிப்பில் நீண்ட காலமாக தயாரிப்பில் இருக்கும் படம் ‘அயலான்’. இந்தப்படத்தின் ரிலீசுக்காக நீண்ட காலமாக காத்திருக்கின்றனர் ரசிகர்கள். இதனையடுத்து அண்மையில் சிவகார்த்திகேயன் நடிப்பில் வெளியான ‘மாவீரன்’ படம் ரசிகர்கள் மத்தியில் நல்ல வரவேற்பினை பெற்றதை தொடர்ந்து ‘அயலான்’ படத்தை தீபாவளிக்கு ரிலீஸ் செய்ய திட்டமிட்டிருந்தனர் படக்குழுவினர்.
டான், பிரின்ஸ் படங்களை தொடர்ந்து அயலானில் நடித்தார் சிவகார்த்திகேயன். பிரபல இயக்குனர் மிஷ்கின் வில்லனாக நடித்த இந்தப்படத்தில் அதிதி ஷங்கர், சரிதா, சுனில், யோகி பாபு உள்ளிட்ட பலர் இந்தப்படத்தில் இணைந்து நடித்தனர். யோகி பாபு நடிப்பில் வெளியாகி தேசிய விருது வென்ற ‘மண்டேலா’ படத்தை இயக்கிய மடோன் அஸ்வினின் இரண்டாவது படைப்பாக ‘மாவீரன்’ வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அத்துடன் இந்தப்படத்திற்கு சிவகார்த்திகேயனுக்கு கேட்கும் அசரீரி குரலுக்காக பிரபல நடிகர் விஜய் சேதுபதி சம்பளம் வாங்காமல் வாய்ஸ் கொடுத்தார். அவரின் இந்த செயல் கோலிவுட் திரையுலகினர் மத்தியில் ஆச்சரியத்தை ஏற்படுத்தியது. மேலும், ‘மாவீரன்’ படம் விமர்சனரீதியாக வரவேற்பை பெற்றதோடு, வசூலிலும் மாஸ் காட்டியது.
இதனையடுத்து சிவகார்த்திகேயனின் ‘அயலான்’ பட ரிலீசுக்காக ரசிகர்கள் ஆர்வமுடன் காத்திருக்கின்றனர். விஷ்ணு விஷால் நடிப்பில் வெளியாகி ரசிகர்கள் மத்தியில் கவனம் ஈர்த்த ‘இன்று நேற்று நாளை’ பட இயக்குனரான ரவிக்குமாரின் இயக்கத்தில் ‘அயலான்’ படம் உருவாகியுள்ளது. இந்தப்படத்தில் ரகுல் ப்ரீத் சிங், இஷா கோபிகார், யோகி பாபு, கருணாகரன் உள்ளிட்ட பலர் நடித்துள்ளனர். இசைப்புயல் ஏ.ஆர். ரஹ்மான் இந்தப்படத்திற்கு இசையமைத்துள்ளார்.
Tamanna: ஓடி வந்த ரசிகர்.. தள்ளிவிட்ட பவுன்சர்கள்: தமன்னா செய்த காரியம்.!
இந்நிலையில் ‘அயலான்’ படத்தின் சிஜிஐ பணிகள் தாமதமாவதால் படம் திட்டமிட்டப்படி தீபாவளிக்கு வெளியாவது கடினம் என்று இணையத்தில் தகவல்கள் பரவியது. இந்த தகவல் ரசிகர்கள் மத்தியில் அதிர்ச்சியை ஏற்படுத்தியது. ஆனால் இந்த செய்தி வதந்தி எனவும், விரைவில் டீசர் வெளியாகும் எனவும் இயக்குனர் தரப்பில் இருந்து தெரிவிக்கப்பட்டுள்ளது. இதன் மூலம் ‘அயலான்’ படம் திட்டமிட்டப்படி தீபாவளிக்கு ரிலீஸ் ஆவது உறுதியாகியுள்ளது.
இந்தியாவில் உருவாகும் முதல் ஏலியன், சயின்ஸ் பிக்சர் மற்றும் கிராபிக்ஸ் படமாக ‘அயலான்’ உருவாகியுள்ளது. சிவகார்த்திகேயன் தற்போது ராஜ்குமார் பெரியசாமி இயக்கத்தில் ‘எஸ்கே 21’ படத்தில் நடித்து வருகிறார். உலக நாயகனின் ராஜ் கமல் பிலிம்ஸ் தயாரிக்கும் இதன் படப்பிடிப்பு காஷ்மீரில் நடந்து வருகிறது. ‘எஸ்கே 21’ படத்தில் சிவகார்த்திகேயன் இராணுவ வீரராக நடிப்பது குறிப்பிடத்தக்கது.
Vijay: ரஜினி பற்றி விஜய் சொன்ன ‘ஒத்த’ வார்த்தை: முடிவுக்கு வரும் மோதல்.?