விஜய் 68 வது படத்தை இயக்கும் வெங்கட் பிரபுவுக்கு வாழ்த்து தெரிவித்த அஜித்
லோகேஷ் கனகராஜ் இயக்கி உள்ள லியோ படத்தில் நடித்திருக்கும் விஜய், அடுத்தபடியாக வெங்கட் பிரபு இயக்கும் தனது 68 வது படத்தில் நடிக்க போகிறார். இந்த படம் குறித்த அறிவிப்பு ஏற்கனவே வெளியான நிலையில், தற்போது ஆரம்பகட்ட பணிகள் நடைபெற்று வருகின்றன. இந்த நிலையில் தான் அளித்த ஒரு பேட்டியில், தளபதி 68 வது படத்தின் படப்பிடிப்பை செப்டம்பர் அல்லது அக்டோபரில் தொடங்க திட்டமிட்டு இருப்பதாக தெரிவித்திருக்கிறார் வெங்கட் பிரபு. இப்படத்தில் நடிக்கும் நடிகர் நடிகைகளின் கால்ஷீட்டை பொறுத்து விரைவில் படப்பிடிப்பு தேதி முடிவு எடுக்கப்படும். தற்போது இப்படத்தின் திரைக்கதை அமைக்கும் பணிகள் முடிவடைந்துவிட்டதால், நடிகர் நடிகைகள் தொழில்நுட்ப கலைஞர்களின் தேர்வு துரிதமாக நடைபெற்று வருகிறது என்று அந்த பேட்டியில் கூறி இருக்கும் வெங்கட் பிரபு, விஜய் 68 வது படத்தை இயக்குவதற்கு நான் ஒப்பந்தமான செய்தியை அறிந்ததும், முதல் நபராக எனக்கு கால் பண்ணி அஜித்குமார் வாழ்த்து தெரிவித்தார் என்றும் கூறியுள்ளார் வெங்கட்பிரபு.