ரஜினியின் நடிப்பில் நெல்சனின் இயக்கத்தில் உருவான ஜெயிலர் திரைப்படம் ஆகஸ்ட் 10 ஆம் தேதி திரையில் வெளியானது. சன் பிக்சர்ஸ் தயாரிப்பில் அனிருத்தின் இசையில் உருவான இப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு இருந்து வந்தது. இப்படத்தின் பாடல்களும் ட்ரைலரும் ரசிகர்களிடம் அமோகமான வரவேற்பை பெற இப்படத்தின் மீதான எதிர்பார்ப்பும் அதிகரித்தது.
இதையடுத்து கடந்த ஆகஸ்ட் 10 ஆம் தேதி வெளியான இப்படம் ரசிகர்களின் எதிர்பார்ப்பை பூர்த்தி செய்தது என்றுதான் சொல்லவேண்டும். பல வருடங்களுக்கு பிறகு மீண்டும் பழைய ரஜினியை திரையில் பார்த்ததாக ரசிகர்கள் கூறி வருகின்றனர்.
ஜெயிலர் வசூல் சாதனை
ஆக்ஷன், காமெடி, செண்டிமெண்ட் என அனைத்தும் சேர்ந்த கலவையாக நெல்சன் இப்படத்தை உருவாக்கியிருப்பதாக கூறி அவரை பாராட்டி வருகின்றனர். நெல்சனின் முந்தைய படமான பீஸ்ட் சற்று சொதப்பினாலும் ஜெயிலர் மூலம் தரமான கம்பாக்கை நெல்சன் கொடுத்துள்ளார் என அனைவரும் கூறி வருகின்றனர்.
Dhanush: தனுஷ் குடும்பத்தில் இருந்து அறிமுகமாகும் ஹீரோ..அதுவும் தனுஷின் இயக்கத்தில்..பின்னணி இதுதானா ?
இந்நிலையில் கடந்த நான்கு நாட்களில் இப்படம் வசூலில் அடித்து நொறுக்கி சாதனை செய்து வருகின்றது. ஜெயிலர் படத்திற்கு மிகப்பெரிய எதிர்பார்ப்பு இருந்ததால் இப்படத்தின் முன்பதிவும் அமோகமாக இருந்தது. அதன் காரணமாக இப்படம் வெளியாகும் முன்பே முன்பதிவின் மூலம் பல கோடி வசூலை ஈட்டியது.
இதையடுத்து இப்படம் வெளியான முதல் நாளில் இருந்து வசூல் அதிகரித்துக்கொண்டே தான் இருக்கின்றது. தற்போது நான்கு நாட்களில் இப்படம் கிட்டத்தட்ட 300 கோடி வரை வசூலித்து சாதனை செய்து வருகின்றது. இப்படியே போனால் இன்னும் சில தினங்களில் கமல்ஹாசனின் விக்ரம் மற்றும் மணிரத்னத்தின் பொன்னியின் செல்வன் ஆகிய படங்களின் வசூல் சாதனையை ஜெயிலர் முறியடிக்கும் என எதிர்பார்க்கப்படுகின்றது.
விஜய்யை முந்திய ரஜினி
இந்நிலையில் முக்கியமான ஒரு இடத்தில் ஜெயிலர் திரைப்படம் விஜய்யின் சாதனையை முறியடித்துள்ளது. அதாவது விஜய்யின் கோட்டை என கூறப்படும் கேரளாவில் விஜய் படங்களின் ஒட்டுமொத்த சாதனையையும் நான்கே நாட்களில் ஜெயிலர் திரைப்படம் முறியடித்துள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
நான்கு நாட்களில் ஜெயிலர் திரைப்படம் கேரளாவில் 25 கோடி வரை வசூலித்துள்ளது. இதன் மூலம் விஜய் படங்கள் அதிகபட்சமாக செய்த வசூல் சாதனையை ஜெயிலர் முறியடித்துள்ளது. மேலும் படத்திற்கு பாசிட்டிவான டாக் இருந்து வருவதால் மேலும் இப்படத்தின் வசூல் அதிகரிக்கும் என்றே எதிர்பார்க்கப்படுவது குறிப்பிடத்தக்கது.