இளையதளபதி விஜய், லோகேஷ் கனகராஜ் இயக்கத்தில் லியோ திரைப்படம் நடித்துள்ளார். இந்த படத்தின் போஸ்ட் ப்ரொடக்ஷன் வேலைகள் நடந்துக்கொண்டிருக்கிறது. இந்த படத்திற்கு பிறகு விஜய் தனது 68வது படத்திற்கு வெங்கட் பிரபுவுடன் இணைகிறார், இந்த படத்திற்கு பெயர் வைக்காததால் தளபதி 68 என அழைக்கிறோம்.
வெங்கட் பிரபு மற்றும் விஜய்
இந்நிலையில் தளபதி 68ஐ இயக்கவுள்ள வெங்கட் பிரபு எங்கு சென்றாலும் தளபதி 68 குறித்த அறிவிப்புகளையே ரசிகர்களும் பத்திரிகையாளர்களும் கேட்டு வருகின்றனர். எனினும், லியோ படம் வெளியாவதற்கு முன்னாள் தளபதி 68 குறித்த அறிவிப்பை வெளியிடக்கூடாது என்பதற்காக வெங்கட் பிரபு தளபதி 68 குறித்த கேள்விகளை தவிர்த்து வருகிறார்.
விஜய்- ஜோதிகா-பிரியங்கா மோகன்
ஏற்கனவே, தளபதி 68இல் விஜய்யுடன் நடிகை ஜோதிகா இணைகிறார் என்ற தகவல் வெளியாகியுள்ளது. இந்த ஜோடியை பல வருடங்கள் கழித்து திரையில் ஒன்றாக பார்ப்பதற்கு ரசிகர்கள் பேராதரவு தெரிவித்து வந்த நிலையில், தளபதி 68இல் மற்றுமொரு ஹீரோயின் வருவதாக ட்விட்டரில் கருத்துக்கள் வெளியாகி வருகின்றன.
பிரியங்கா மோகன்
டாக்டர், எதற்கும் துணிந்தவன், டான் உள்ளிட்ட படங்களில் க்யூடாக நடித்து தனக்கென ஒரு கூட்டத்தை உருவாக்கியுள்ள பிரியங்கா மோகன் தளபதி 68இல் இணைவதாக ட்விட்டரில் தகவல் பரவி வருகிறது. இந்நிலையில், பல வருடங்களுக்கு பிறகு இணையும் விஜய் மற்றும் ஜோதிகா காம்போ, புத்தம் புதிதாக இணையும் விஜய் மற்றும் பிரியங்கா மோகன் காம்போவை ரசிகர்கள் கொண்டாடி வருகின்றனர்.
பத்து நாளுக்கு முன்னாடி ஹீரோயின்ன மாத்தினோம், காரணம்… : அடியே பட இயக்குனர் விக்னேஷ் கார்த்திக்
பிரியங்கா மோகனன் இந்த படத்தில் நடிக்கிறார் என தெரிந்ததும் ரசிகர்கள் அவரின் பெயரை ட்விட்டரில் ட்ரெண்ட் செய்து வருகின்றனர். எனினும், தளபதி 68இல் யார் கதாநாயகி என்பது குறித்து படக்குழுவிடம் இருந்து அதிகாரப்பூர்வ தகவல் வெளியாகவில்லை. அதிகார பூர்வ தகவல் வெளியாகும்வரை காத்திருக்கலாம்..
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
Guest Author : Radhika Nedunchezhian