சோனி நிறுவனத்தின் அடுத்த வெளியீடாக வர உள்ள Sony Xperia 5 V செப்டம்பர் 1ம் தேதி வெளியாக உள்ளதாக அதிகாரபூர்வ தகவலை தெரிவித்துள்ளது சோனி நிறுவனம். இந்நிலையில் அந்நிறுவனம் சமீபத்தில் வெளியிட்ட ப்ரோமோ வீடியோ மூலமாகவும், Geekbench தளத்தில் வெளியாகியுள்ள தகவல்களின் அடிப்படையிலும் சோனி எக்ஸ்பீரியா 5 V – ல் இடம்பெறும் சிறப்பம்சங்கள் குறித்த தகவல்கள் வெளியாகியுள்ளன.
Sony Xperia 5 V வெளியீடுஜப்பானை மையமாக கொண்டு இயங்கி வரும் முன்னணி டெக் நிறுவனமான சோனி தனது Sony Xperia 5 V மொபைலை வருகின்ற செப்டம்பர் மாதம் 1ம் தேதி வெளியிட உள்ளதாக அந்த நிறுவனமே அதிகாரபூர்வமாக அறிவித்துள்ளது. Sony Xperia 5 V மாடலின் சிறப்பம்சங்கள் குறித்த தகவல்கள் தற்போது இணையத்தில் வைரலாக வலம் வருகிறது.
Geekbench தளம்சோனி நிறுவனம் Sony Xperia 5 V -ன் எந்த விதமான சிறப்பம்சங்கள் குறித்த தகவலையும் வெளியிடவில்லை. ஆனால்,Geekbench தளத்தில் இடம்பெற்றுள்ள டிவைஸ் கோட் XQ-DE54 என்று வெளியிடப்பட்டிருக்கும் சோனி நிறுவனத்தின் மாடல் மொபைல் Sony Xperia 5 V என்று நம்பப்படுகிறது. இந்நிலையில், அந்த தளத்தில் வெளியாகியுள்ள விவரங்களின்படி, அந்த டிவைஸில் Snapdragon 8 Gen 2 SoC ப்ராசஸர், 8GB ரேம், ஆண்ட்ராய்டு 13 ஆகியவை இடம்பெற்றுள்ளதாகவும் தெரிய வந்துள்ளது. இந்நிலையில் Sony Xperia 5 V மாடலில் இடம்பெறும் சிறப்பம்சங்கள் குறித்து டிப்ஸ்டர்கள் அளித்துள்ள தகவலின்படி அதன் சிறப்பம்சங்கள் என்ன என்பதை பார்க்கலாம்.
Sony Xperia 5 V டிஸ்பிளே மற்றும் ஸ்டோரேஜ்Sony Xperia 5 V மொபைலில் 6.3 – இன்ச் OLED டிஸ்பிளே மற்றும் 120Hz வசதிகள் இடம்பெற உள்ளதாக லீக்ஸ்டர்கள் தகவல் தெரிவித்துள்ளனர். மேலும் இதில் 12GB ரேம் மற்றும் 512GB ஸ்டோரேஜ் வசதி இடம்பெறலாம் என்றும் எதிர்பார்க்கப்படுகிறது.
Sony Xperia 5 V கேமரா மற்றும் பேட்டரிSony Xperia 5 V – ல் இடம்பெறும் கேமராவை பொறுத்தவரை 12 மெகாபிக்ஸல் பிரைமரி கேமரா, 12 மெகாபிக்ஸல் டெலிபோட்டோ கேமரா, 12 மெகாபிக்ஸல் அல்ட்ரா-வைட் கேமரா மற்றும் முன்னால் 12 மெகாபிக்ஸல் கேமரா இருக்க வாய்ப்பு உள்ளதாகவும் டிப்ஸ்டர்கள் தெரிவித்துள்ளனர். மேலும் இதில், 5000mAh பேட்டரி மற்றும் 67W ஃபாஸ்ட் சார்ஜிங் வசதியை வழங்கியுள்ளதாகவும் தகவல்கள் தெரிவிக்கின்றன.
நிறங்கள் மற்றும் இதர விவரங்கள்டிப்ஸ்டர்கள் வெளியிட்டுள்ள தகவலின்படி, Sony Xperia 5 V கருப்பு, நீலம் , வெள்ளை ஆகிய நிறங்களில் வெளியாக உள்ளதாக கூறப்படுகிறது. மேலும் இந்த டிவைஸ் ஆண்ட்ராய்டு 13 அடிப்படையில் இயங்கும் என்றும் தகவல்கள் பரவி வருகின்றன.