கமல்ஹாசனை அறிமுகப்படுத்தியவர்: ஏவிஎம் அருண் வீரப்பன் காலமானார்
பழம்பெரும் தயாரிப்பாளர், இயக்குனர், ஸ்டூடியோ அதிபர் ஏ.வி.மெய்யப்ப செட்டியாரின் மாப்பிள்ளை அருண் வீரப்பன். 'களத்தூர் கண்ணம்மா' படத்தில் இணை தயாரிப்பாளராக இருந்த இவர்தான் கமல்ஹாசனை குழந்தை நட்சத்திரமாக அந்த படத்தில் அறிமுகப்படுத்தினார். ஏவிஎம் தயாரித்த படங்களில் நிர்வாக தயாரிப்பாளராக பணியாற்றினார். 'உன்னிடத்தில் நான்' என்ற படத்தை இயக்கினார் 100க்கும் மேற்பட்ட குறும்படங்களை இயக்கி உள்ளார்.
90 வயதான அருண் வீரப்பன் மயிலாப்பூரில் குடும்பத்துடன் வசித்து வந்தார். முதுமை காரணமாக உடல் நல பிரச்னைகளுக்காக சிகிச்சை பெற்று வந்தார். நேற்று வீட்டுக்குள் தவறி விழுந்த அவருக்கு தனியார் மருத்துவமனையில் சிகிச்சை அளிக்கப்பட்டது. சிகிச்சை முடிந்து வீட்டுக்கு வந்த பிறகு திடீர் மாரடைப்பு ஏற்பட்டு மரணம் அடைந்தார்.