நெல்சன் திலீப்குமார் இயக்கத்தில் ரஜினி நடிப்பில் வெளியான ‘ஜெயிலர்’ கமலின் ‘விக்ரம்’ படத்தின் வசூலை முறியடித்து சாதனை படைத்துள்ளது.
வசூல் வேட்டை’ஜெயிலர்’ படத்தின் வசூல் வேட்டை எந்த இடையூறும் இல்லாமல் தொடர்ந்து கொண்டு செல்கிறது. முத்துவேல் பாண்டியனாக ரஜினிகாந்த் கலக்கிய இந்தப்படத்தை நெல்சன் திலீப்குமார் இயக்கி இருந்தார். தலைவர் இஸ் பேக் என ரசிகர்கள் கொண்டாடும் அளவிற்கு படத்தில் ரஜினி மாஸ் காட்டியிருந்தார். இந்நிலையில் ‘ஜெயிலர்’ படம் வசூலில் புது சாதனை படைத்துள்ளது.
எதிர்பார்ப்பு நிறைவுகடந்த 10 ஆம் தேதி உலகம் முழுவதும் ‘ஜெயிலர்’ படம் வெளியானது. கிட்டத்தட்ட இரண்டு ஆண்டுகளுக்கு பிறகு வெளியாகும் ரஜினி படம் என்பதால் ரசிகர்கள் மத்தியில் இந்தப்படத்திற்கு மிகுந்த எதிர்பார்ப்பு நிலவி வந்தது. கிட்டத்தட்ட அந்த எதிர்பார்ப்பை எல்லாம் ‘ஜெயிலர்’ படம் பூர்த்தி செய்துள்ளது என்றுதான் சொல்ல வேண்டும்.
முத்துவேல் பாண்டியன்முத்துவேல் பாண்டியனாக ஒய்வு பெற்ற போலீஸ் அதிகாரியாக ரஜினி நடித்திருந்த இந்தப்படத்தில் கன்னட சூப்பர் ஸ்டார் சிவராஜ்குமார், மலையாள நடிகர் மோகன்லால், பாலிவுட் பிரபலம் ஜாக்கி ஷெரப் உள்ளிட்டோர் கேமியோ ரோலில் நடித்திருந்தனர். இவர்களின் கேமியோ படத்தில் இடம்பெற்றிருந்தால் அண்டை மாநிலங்களிலும் படத்திற்கு அமோக வரவேற்பு கிடைத்தது.
வசூல் சாதனைஇதனால் வசூலில் மாஸ் காட்டியது ‘ஜெயிலர்’. குறிப்பாக வெளியான ஒரே வாரத்தில் ரூ. 375 கோடி வசூலித்து சாதனை படைத்தது. அதனை தொடர்ந்து இரண்டு வாரங்களில் ரூ. 525 கோடி ரூபாயை இந்தப்படம் வசூலித்ததாக சன் பிக்சர்ஸ் நிறுவனம் அறிவித்தது. இந்நிலையில் ‘ஜெயிலர்’ படம் தற்போது தமிழ்நாட்டில் கமலின் ‘விக்ரம்’ பட வசூலை முந்தியுள்ளதாக தகவல்கள் வெளியாகியுள்ளன.
விரைவில் நம்பர் 1இதனை தொடர்ந்து விரைவில் முதல் இடத்தில் இருக்கும் ‘பொன்னியின் செல்வன் 1’ படத்தின் வசூலை முறியடித்து ‘ஜெயிலர்’ தமிழ்நாட்டு வசூல் சாதனையில் முதல் இடத்தை பிடிக்கும் என எதிர்பார்க்கப்படுகிறது. ‘ஜெயிலர்’ படத்திற்கு பிறகு பல புது படங்கள் வெளியாகி இருந்தாலும், இந்தப்படத்தின் வசூலில் எந்த குறையும் ஏற்படவில்லை. இதனால் படக்குழுவினர் உச்சக்கட்ட மகிழ்ச்சியில் உள்ளனர். ‘ஜெயிலர்’ படத்தின் வெற்றியை தொடர்ந்து ‘தலைவர் 170’ படத்தில் ரஜினி நடிக்கவுள்ளது குறிப்பிடத்தக்கது.