பருத்திவீரன் படத்தின் மூலமாக தமிழ் திரையுலகில் ஹீரோவாக அறிமுகமானவர் தான் கார்த்தி. இவரின் இயல்பான நடிப்பிற்கும் குதூகலமான பேச்சுக்கும் ரசிகர்கள் ஏராளம். சமீபத்தில் சர்தார், சுல்தான், விருமன், பொன்னியின் செல்வன் பாகம் 1 மற்றும் பாகம் 2 என தொடர்ந்து வெற்றி படங்கள் கொடுத்து வருகிறார்.
கார்த்தி & இயக்குனர் நலன் குமாரசாமி
கூகுள் செய்திகள் பக்கத்தில் Samayam Tamil இணையதளத்திற்கு செல்ல இங்கே கிளிக் செய்யுங்கள்.. உடனுக்குடன் செய்திகளை பெறுங்கள்.
நடிப்பிலும் செயலிலும் உத்வேகத்துடன் செயல்பட்டு வரும் நடிகர் கார்த்தி அடுத்ததாக இயக்குனர் ராஜு முருகன் இயக்கியிருக்கும் ஜப்பான் திரைப்படத்தின் ரிலீசுக்காக காத்திருக்கிறார்.சமீபத்தில், இந்த படத்தின் ஒரு பாடல் காட்சிக்காக ஜப்பான் படக்குழுவினர் காஷ்மீர் வரை சென்று வந்தனர். இந்த படத்தில் நம்ம வீட்டு பிள்ளை படத்தின் நாயகி அனு இம்மானுவேல், விஜய் மில்டன், சுனில் உள்ளிட்டோர் முக்கிய கதாப்பாத்திரத்தில் நடித்திருக்கின்றனர்.
கார்த்தி 26 படத்தின் ஹீரோ மற்றும் ஹீரோயின்
கூகுள் செய்திகள் பக்கத்தில் TimesXP Tamil இணையதளத்திற்கு செல்ல இங்கே கிளிக் செய்யுங்கள்.. வீடியோ செய்திகளை உடனுக்குடன் பெறுங்கள்.
அடுத்தடுத்து படங்களை லைன் அப்பில் வைத்திருக்கும் கார்த்தி, இயக்குனர் நலன் குமாரசாமி இயக்கத்தில் உருவாகும் ஒரு படத்தில் நடித்து வருகிறார். இந்த படத்தில் முன்னாள் முதலமைச்சரும் நடிகருமான புரட்சித் தலைவர் எம்.ஜி.ஆர் கம்ப்யூட்டர் கிராபிக்ஸ் மூலமாக திரையில் வரவிருக்கும் செயலை இயக்குனர் செய்திருக்கிறார். ஏனென்றால், இந்த படத்தின் ஹீரோ கதாபாத்திரம் தீவிர எம்.ஜி.ஆர் ரசிகர் என சொல்வதை விட தீவிர எம்.ஜி.ஆர் பக்தன் என சொல்லலாம். கார்த்தியின் ஜோடியாக க்ரித்தி ஷெட்டி நடிக்கிறார்.
எம்.ஜி.ஆர்-ஐ நினைவுபடுத்தும் பெயர்
என்னது கார்த்தியின் அடுத்த படத்தில் இவர் தான் வில்லனா ?? நல்ல இருக்குமே பா !!
அதுமட்டுமல்லாமல், இந்த படத்தில் நடிகர் சத்யராஜ் வில்லனாக நடிக்கிறார். இவர் இந்த படத்தில் நடிப்பது, படத்திற்கு கூடுதல் சிறப்பாக அமைகிறது. நலன் குமாரசாமி இயக்கம் இந்த படம் கார்த்தியின் 26வது படமாகும். இந்த படத்திற்கு என்ன பெயர் வைக்கலாம் என யோசித்த படக்குழு, கார்த்தி 26 என இருக்கட்டும், பிறகு கதைக்கு ஏற்ற பெயர் தோணும்போது அந்த பெயரை வைக்கலாம் என முடிவு செய்தனர். இந்நிலையில், கார்த்தி 26ன் ஹீரோ பயங்கர எம்.ஜி.ஆர் ரசிகர் என்பதால் ”வா வாத்தியாரே” என பெயர் வைக்க முடிவு செய்துள்ளார்களாம் படக்குழுவினர்.
Guest Author : Radhika Nedunchezhian