மும்பையில், ஆன்லைன் சூதாட்ட விளம்பரத்தில் நடித்ததற்காக நடிகர் ஷாருக்கான் வீட்டிற்கு வெளியில் தொண்டு நிறுவனத்தை சேர்ந்தவர்கள் போராட்டம் நடத்தினர். பாலிவுட் நட்சத்திரங்கள், கிரிக்கெட் வீரர்கள் ஆன்லைன் சூதாட்ட விளம்பரங்களில் நடிக்கின்றனர். இதற்கு பல்வேறு தரப்பில் இருந்து எதிர்ப்பு வந்து கொண்டே இருக்கிறது. ஆனாலும் பிரபலங்கள் இது போன்ற விளம்பரங்களில் நடித்துக்கொண்டுதான் இருக்கின்றனர்.
இந்நிலையில் கிரிக்கெட் வீரர் சச்சின் டெண்டுல்கர் வீட்டு முன்பு சுயேச்சை எம்.எல்.ஏ. பச்சு காடு தனது ஆதரவாளர்களுடன் சென்று போராட்டம் நடத்தினார். சச்சின் டெண்டுல்கர் ஆன்லைன் சூதாட்ட விளம்பரத்தில் நடிக்கக்கூடாது என்று பேனர் ஏந்தியபடி அவர்கள் போராட்டத்தில் ஈடுபட்டனர்.
சச்சின் டெண்டுல்கர் தனது பாரத் ரத்னா விருதை திரும்ப கொடுக்கவேண்டும் என்று போராட்டத்தில் கலந்து கொண்டவர்கள் கோஷமிட்டனர். சச்சின் பாரத் ரத்னா விருதுக்கு தகுதியற்றவர் என்றும், இளைஞர்களின் வாழ்க்கையை கெடுக்கக்கூடிய ஆன்லைன் சூதாட்ட விளம்பரத்தை சச்சின் ஆதரிப்பதாகவும் அவர்கள் குறிப்பிட்டனர். போராட்டத்திற்கு தலைமை தாங்கிய பச்சுகாடு நிருபர்களுக்கு அளித்த பேட்டியில், “பாரத் ரத்னா விருது பெறுபவர்கள் சில குறிப்பிட்ட நன்னடத்தையை கடைப்பிடிக்கவேண்டியது அவசியம்.
ஆனால் சச்சின் அவ்வாறு கடைப்பிடிப்பதில்லை. எனவே சச்சின் தனது பாரத் ரத்னா விருதை திரும்ப கொடுக்கவேண்டும். சச்சின் ஆன்லைன் சூதாட்ட விளம்பரத்தில் நடிப்பதை நிறுத்தவில்லையெனில் கணபதி விழாவின் போது சச்சின் நடித்த ஆன்லைன் விளம்பரங்கள் எங்கெல்லாம் காண்பிக்கப்படுகிறதோ அங்கெல்லாம் போராட்டம் நடத்தி அந்த விளம்பரத்தை அகற்றும் படி கோருவோம்.
சச்சின் ஆன்லைன் சூதாட்ட விளம்பரத்தில் நடிப்பதை நிறுத்தவில்லையெனில் பேருந்து நிலையங்கள், கணபதி மண்டல்களில் சச்சின் யாசகம் பாக்ஸ் பொருத்துவோம்” என்று எச்சரித்தார். பின்னர் போராட்டத்தில் ஈடுபட்டவர்களை போலீஸார் கைது செய்தனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/3PaAEiY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3PaAEiY