இந்திய அரசியல் களம் பரபரப்பிற்கு பஞ்சமின்றி சென்று கொண்டிருக்கிறது. 2024 மக்களவை தேர்தலுக்கு அரசியல் கட்சிகள் மும்முரமாக காய் நகர்த்தி வருகின்றன. ஒருபக்கம் தேசிய ஜனநாயக கூட்டணி, மறுபக்கம் இந்தியா கூட்டணி. ஆலோசனை கூட்டங்கள் நடத்துவது, தேர்தலுக்கான களம் அமைப்பது என அனல் பறக்கிறது. இதற்கிடையில் நாடாளுமன்ற சிறப்பு கூட்டத்தொடர் எதிர்பார்ப்பை எகிற வைத்துள்ளது.
பாஜகவின் சோஷியல் மீடியா வாரியர்ஸ்ஒரே நாடு ஒரே தேர்தல் மசோதாவை நிறைவேற்றி ஒட்டுமொத்த நாட்டையும் கதிகலங்க வைத்து விடுவார்களா? என்ற அச்சம் பலரிடம் ஏற்பட்டிருக்கிறது. இந்நிலையில் பாஜக இன்றைய தலைமுறை இளைஞர்களை கவரும் வகையில் மாஸ்டர் பிளான் ஒன்றை போட்டுள்ளது. அதாவது சோஷியல் மீடியாவிற்கு அதிக முக்கியத்துவம் அளிப்பது. இதற்கான பணியில் ஏராளமான வாரியர்ஸை இறக்கி விடுவது.தேர்தல் வியூகம்சமூக வலைதளங்களில் பாஜக அப்படியென்ன செய்துவிடுகிறது என்று கேட்கலாம். சோஷியல் மீடியா என்பது நமது அத்தியாவசிய பயன்பாடாக மாறிவிட்டது. அதில் வரும் செய்திகள், வீடியோக்கள், மீம்ஸ்கள், ட்ரோல்கள், கருத்துக்கணிப்புகள், அரசியல் கருத்துகள், விமர்சனங்கள் உள்ளிட்டவை மக்கள் மனதில் அதிக அளவில் தாக்கத்தை ஏற்படுத்துகின்றன. எனவே ஒரு விஷயத்தை ஆழமாக மனதில் பதிய வைப்பதில் சோஷியல் மீடியா மிகவும் முக்கிய பங்கு வகிக்கிறது.
இணைய பயன்பாடுஇந்தியாவில் தற்போது 700 மில்லியன் மக்களுக்கும் மேல் இணைய வசதியை பயன்படுத்தி வருகின்றனர். கிராமப்புறங்களில் கூட இணைய சேவை மற்றும் பயன்பாட்டின் வளர்ச்சி வேகமாக நடந்து கொண்டிருக்கிறது. ஒரு விஷயத்தை சோஷியல் மீடியா மூலம் பரப்பி விட்டு விட்டால் கடைகோடி மனிதன் வரை சென்று சேர அதிக வாய்ப்புகள் இருக்கின்றன. எனவே தான் கடந்த 9 ஆண்டுகளில் மத்திய பாஜக அரசு செய்த சாதனைகளை மக்களிடம் கொண்டு சேர்க்க சமூக வலைதளங்களை சிறப்பான முறையில் பயன்படுத்த உள்ளனர்.
இந்தியாவின் முன்னேற்றப் பாதைவழக்கமான பாணியில் இல்லாமல் புதுமையை புகுத்த திட்டமிட்டுள்ளார்கள். மேலும் சுயசார்பு தன்மையில் எந்த அளவு இந்தியா முன்னேறியுள்ளது. வரும் 2047ல் வளர்ந்த நாடாக இந்தியா மாறிவிடும் என்பதை உரிய தரவுகளுடன் பிரச்சாரம் செய்யவுள்ளனர். பெண்கள் சுய முன்னேற்றம் காண மத்திய பாஜக அரசு எந்தெந்த வழிகளில் உதவி செய்கிறது. நிதி ஒதுக்கீடு, செயல் திட்டங்கள், வேலைவாய்ப்பு, வீட்டு வசதி உள்ளிட்டவை குறித்து எடுத்துரைக்க உள்ளனர்.
எதிர்க்கட்சிகள் டார்கெட்இதுதவிர பாஜகவின் சித்தாந்த ரீதியிலான கருத்துகளை பரப்ப திட்டமிட்டிருக்கின்றனர். ஒரே நாடு ஒரே செயல்திட்டம் என்பதற்கு முக்கியத்துவம் அளிக்கப்படும் என்று அக்கட்சி வட்டாரங்கள் தெரிவிக்கின்றன. இதனுடன் அரசியல் ரீதியாகவும் பக்கா ஸ்கெட்ச் போட்டு சோஷியல் மீடியா பிரச்சாரம் செய்யவுள்ளனர். எதிர்க்கட்சிகளை குறிவைத்து வீடியோ கிளப்பிங்ஸ், போஸ்டர் மேளா, மீம்ஸ்கள், ஒப்பீட்டு அரசியல் உள்ளிட்டவற்றை பரப்ப உள்ளனர்.
நாடு முழுவதும் ஏற்பாடுபிரதமர் மோடியின் முக்கியத்துவம் வாய்ந்த பேச்சுகளை கட் செய்து முக்கியமான கிளிப்பிங்ஸ் மட்டும் அதிகம் சென்றடையும் வகையில் பணிகளை மேற்கொள்ள இருக்கின்றனர். முதல்கட்டமாக நாடு முழுவதும் 250 பாஜக கால் சென்டர்களை ஏற்படுத்தவுள்ளனர். இவை அரசு, கட்சி, மக்கள் ஆகியோருக்கு இடையில் பாலமாக செயல்படும் எனக் கூறப்பட்டுள்ளது.