சட்டவிரோத பணப்பரிமாற்ற வழக்கில் அமைச்சர் செந்தில் பாலாஜி மே 14ஆம் தேதி கைது செய்யப்பட்டார். மூன்று மாதங்களுக்கு மேலாகியுள்ள நிலையில் அவர் புழல் சிறையில் அடைக்கப்பட்டுள்ளார். அமலாக்கத்துறை அவரிடம் விசாரணை நடத்திய நிலையில் குற்றப்பத்திரிக்கையும் தாக்கல் செய்தது.
செந்தில் பாலாஜி தரப்பில் ஜாமீன் கோரி மனு தாக்கல் செய்யப்பட்டுள்ளது. விரைவில் அந்த மனு மீதான விசாரணை நடைபெறும்.
கைது செய்யப்பட்ட பின்னர் செந்தில் பாலாஜி நெஞ்சுவலியால் அவதிப்பட்டு வந்த நிலையில் அவருக்கு பைபாஸ் அறுவை சிகிச்சை மேற்கொள்ளப்பட்டது. இதனால் அவரிடமிருந்த இலாக்காக்கள் அமைச்சர்கள் தங்கம் தென்னரசுக்கும், முத்துசாமிக்கும் பிரித்து வழங்கப்பட்டது. செந்தில் பாலாஜி இலாக்கா இல்லாத அமைச்சராக நீடித்து வருகிறார்.
செந்தில் பாலாஜியை அமைச்சர் பதவியில் இருந்து நீக்க வேண்டும் என்று ஆளுநர் முதல் அதிமுக வரை பல தரப்பிலிருந்தும் வலியுறுத்தப்பட்ட போதும் முதல்வர் ஸ்டாலின் மறுத்துவிட்டார்.
நெல்லை அமைச்சர் உதயநிதி ஸ்டாலினை இளம் பெரியார் என்று அழைக்கலாம்.
குற்றம் சாட்டப்பட்டு சிறையில் உள்ள செந்தில் பாலாஜி எந்த தகுதியின் அடிப்படையில் அமைச்சர் பதவியில் நீடிக்கிறார் என்று வழக்கறிஞர் ராமச்சந்திரன், அதிமுக முன்னாள் எம்.பி. ஜெயவர்தன் ஆகியோர் தனித்தனியே வழக்குகள் தொடர்ந்தனர்.
இலாக்கா இல்லாத அமைச்சராக செந்தில் பாலாஜி தொடர்வார் என்று தமிழ்நாடு அரசு பிறப்பித்த உத்தரவை எதிர்த்தும், செந்தில் பாலாஜியை அமைச்சர் பதவியிலிருந்து நீக்கி உத்தரவிட்டு பின்னர் அதை அளுநர் நிறுத்தி வைத்ததை எதிர்த்தும் வழக்கறிஞர் எம்.எல்.ரவி வழக்கு தொடர்ந்தார்.
இந்த வழக்குகள் தொடர்பாக விசாரணைகள் நடைபெற்று வந்தன. கைது செய்யப்பட்ட ஒருவர் எந்த அடிப்படையில் அமைச்சர் பதவியில் தொடர்கிறார், அரசு சார்ந்த ரகசியம் வெளியே செல்ல வாய்ப்பு உள்ளது என்று வாதங்கள் முன்வைக்கப்பட்டன.
இந்த வழக்குகளில் உயர் நீதிமன்ற தலைமை நீதிபதி இன்று (செப்டம்பர் 5) தீர்ப்பு வழங்கியுள்ளார். தனது தீர்ப்பில் இரண்டு முக்கிய உத்தரவை பிறப்பித்துள்ளார். அதன்படி அமைச்சர் பதவியில் செந்தில் பாலாஜியை வைத்திருப்பது முதலமைச்சரின் அதிகாரத்துக்கு உட்பட்டது என்று கூறியுள்ளார். இதனால் அவர் இலாக்கா இல்லாத அமைச்சராக தொடர்வதில் சட்ட ரீதியாக எந்தப் பிரச்சினையும் இல்லை. அதே சமயம் கைது செய்யப்பட்டு சிறையில் உள்ள செந்தில் பாலாஜி அமைச்சராக தொடர்வதால் தமிழ்நாட்டுக்கு எந்த பலனும் இல்லை. இது தார்மீக ரீதியாக தவறு என்று தெரிவித்துள்ளார்.