தென்கொரிய பிராண்டான சாம்சங் மொபைலுக்கு இந்தியாவில் நல்ல வரவேற்பு இருக்கிறது. இது வாடிக்கையாளர்களின் பல்ஸை அறிந்து அதற்கு ஏற்ற அம்சங்களுடன் மிட்ரேஞ் விலையில் அவ்வப்போது புதிய மொபைல்களை அறிமுகப்படுத்தும். அதேநேரத்தில் ஏற்கனவே மார்க்கெட்டில் இருக்கும் மொபைல்களுக்கு திடீரென அதிரடி ஆபர் கொடுத்து வாடிக்கையாளர்களை குஷிப்படுத்திவிடும். அந்த வகையில் இரு 5ஜி மொபைல்களுக்கு 4 ஆயிரம் ரூபாய் வரையிலான தள்ளுபடியை இப்போது அறிவித்திருக்கிறது. இந்த இரண்டு போன்களும் கேமிங் மற்றும் கேமரா உபயோகத்தில் சிறந்தவை என்ற பெயரை பெற்றுள்ளன. Galaxy A54 5G மற்றும் Galaxy A34 5G ஆகிய இரண்டு போன்களுக்கும் தலா 2 ஆயிரம் ரூபாய் தள்ளுபடி கொடுக்கப்பட்டிருக்கிறது.
Galaxy A34 5G, A54 5G-ல் சிறப்புச் சலுகைகள்
Samsung Galaxy A34 5G ஸ்மார்ட்போனை ரூ.30,999 ஆரம்ப விலையில் அறிமுகப்படுத்தியது சாம்சங். ஆனால் அதை ரூ.26,999 என்ற தள்ளுபடி விலையில் வாங்க வாய்ப்பு வந்து உள்ளது. இந்த போனில் உடனடி கேஷ்பேக் ரூ 2000 உள்ளது. இதுதவிர, ஐசிஐசிஐ வங்கி அல்லது எஸ்பிஐ கிரெடிட் கார்டு மூலம் பணம் செலுத்தினால் ரூ.2000 கூடுதல் தள்ளுபடி வழங்கப்படுகிறது. இது தவிர, வாடிக்கையாளர்கள் இந்த சலுகைகளுடன் கூடிய Galaxy A54 5G இன் 8GB + 256GB மாடலை 40,999 ரூபாய்க்கு பதிலாக 36,999 ரூபாய்க்கு வாங்கலாம்.
Galaxy A54 5G இன் விவரக்குறிப்புகள்
சாம்சங்கின் சக்திவாய்ந்த மிட்ரேஞ்ச் ஃபோனில் 6.6 இன்ச் சூப்பர் AMOLED டிஸ்ப்ளே 120Hz புதுப்பிப்பு வீதம் மற்றும் முழு HD+ தெளிவுத்திறன் கொண்டது. இது 32MP செல்ஃபி கேமராவுக்கான பஞ்ச்-ஹோல் மற்றும் பின்புற பேனலில் டிரிபிள் கேமராவைக் கொண்டுள்ளது. Galaxy A54 5G ஆனது 50MP பிரதான சென்சார், 12MP அல்ட்ரா-வைட் மற்றும் 5MP மேக்ரோ கேமரா சென்சார் ஆகியவற்றைக் கொண்டுள்ளது. தொலைபேசியில் 8ஜிபி வரை ரேம் கொண்ட எக்ஸினோஸ் 1380 செயலி உள்ளது. இதன் 5000mAh பேட்டரிக்கு 25W ஃபாஸ்ட் சார்ஜிங் ஆதரவு கொடுக்கப்பட்டுள்ளது.
Galaxy A34 5G-ன் விவரக்குறிப்புகள்
குறைந்த விலையில் வரும், Galaxy A34 5G ஆனது 6.4 இன்ச் சூப்பர் AMOLED டிஸ்ப்ளேவுடன் 120Hz புதுப்பிப்பு வீதம் மற்றும் முழு HD+ தெளிவுத்திறனுடன் வருகிறது. போனின் பின் பேனலில், 8MP அல்ட்ரா-வைட் மற்றும் 5MP மேக்ரோ லென்ஸுடன் 48MP பிரதான சென்சார் உள்ளது. செல்ஃபி மற்றும் வீடியோ அழைப்பிற்காக 13 எம்பி முன்பக்க கேமரா உள்ளது. கேலக்ஸி ஏ34 5ஜி வேகமான சார்ஜிங் ஆதரவுடன் 5000எம்ஏஎச் பேட்டரியையும் கொண்டுள்ளது. இது MediaTek Dimensity 1080 செயலி மற்றும் 8GB ரேம் கொண்டது. இரண்டு போன்களும் ஆண்ட்ராய்டு 13 அடிப்படையிலான ஒன்யூஐ 5.0 சாப்ட்வேர் ஸ்கின் கொண்டவை.