தேசிய ஜனநாயக கூட்டணி மூன்றாவது முறையாக ஆட்சியை பிடிப்பதை தடுத்து ஆட்சி மாற்றம் கொண்டு வரும் நோக்கில் எதிர்க்கட்சிகள் ஒன்றிணைந்து இந்தியா கூட்டணியை கட்டமைத்துள்ளன. பாட்னா, பெங்களூரு, மும்பை என அடுத்தடுத்து மூன்று ஆலோசனை கூட்டங்களை நடத்தியுள்ளனர். இதற்கு ஈடுகொடுக்கும் வகையில் தேசிய ஜனநாயக கூட்டணியும் அதிரடி காட்டி வருகிறது.
ஒருங்கிணைப்பு குழு ஆலோசனை
கடைசியாக மும்பையில் நடந்த இந்தியா கூட்டணியின் ஆலோசனை கூட்டத்தில் 14 பேர் கொண்ட ஒருங்கிணைப்பு குழு ஒன்று அமைக்கப்பட்டது. இந்த குழு தான் மாநில வாரியாக தொகுதி பங்கீட்டை இறுதி செய்யும் என்று அறிவிக்கப்பட்டது. அதில், கே.சி.வேணுகோபால் (காங்கிரஸ்), சரத் பவார் (தேசியவாத காங்கிரஸ்), டி.ஆர்.பாலு (திமுக),
இந்தியா கூட்டணியின் முதல் கூட்டம்
ஹேமந்த் சோரன் (ஜே.எம்.எம்), சஞ்சய் ராவத் (சிவசேனா), தேஜஸ்வி யாதவ் (ராஷ்டிரிய ஜனதா தளம்), அபிஷேக் பானர்ஜி (திரிணாமூல் காங்கிரஸ்), ராகவ் சத்தா (ஆம் ஆத்மி), ஜாவத் அலி கான் (சமாஜ்வாதி), லல்லன் சிங் (ஐக்கிய ஜனதா தளம்), டி.ராஜா (சிபிஐ), உமர் அப்துல்லா (தேசிய மாநாட்டு கட்சி), மெகபூபா முப்தி (மக்கள் ஜனநாயக கட்சி) உள்ளிட்டோர் அடங்குவர்.
Google News Follow : கூகுள் செய்திகள் பக்கத்தில் TimesXP Tamil இணையதளத்திற்கு செல்ல இங்கே கிளிக் செய்யுங்கள்.. வீடியோ செய்திகளை உடனுக்குடன் பெறுங்கள்.
டெல்லியில் கூடுகின்றனர்
இந்நிலையில் இந்தியா கூட்டணி ஒருங்கிணைப்பு குழுவின் முதல் ஆலோசனை கூட்டம் வரும் 13ஆம் தேதி டெல்லியில் உள்ள சரத்பவார் இல்லத்தில் நடைபெறும் என்று அறிவிக்கப்பட்டுள்ளது. மத்தியில் ஆளும் பாஜக ஒரே நாடு ஒரே தேர்தல் என்ற திட்டத்தை முன்னெடுக்க தீவிரம் காட்டி வருகிறது. இதற்கான சாத்தியக்கூறுகள் பற்றி ஆய்வு செய்ய முன்னாள் குடியரசு தலைவர் ராம்நாத் கோவிந்த் தலைமையில் குழு அமைக்கப்பட்டுள்ளது.
சிறப்பு கூட்டத்தொடர்
இந்த குழு இன்றைய தினம் கூடி முக்கிய ஆலோசனை நடத்தவுள்ளது. இதுதவிர வரும் 18ஆம் தேதி நாடாளுமன்ற சிறப்பு கூட்டத்தொடர் அறிவிக்கப்பட்டுள்ளது. இதற்கு எந்தவித நிகழ்ச்சி நிரலும் அறிவிக்காமல் ஏற்பாடு செய்துள்ளனர். இதனால் எதிர்க்கட்சிகள் குழப்பத்தில் ஆழ்ந்துள்ளனர். ஒரே நாடு ஒரே தேர்தல் குறித்த மசோதா நிறைவேற்றப்படுமா?
Google News Follow : கூகுள் செய்திகள் பக்கத்தில் TimesXP Tamil இணையதளத்திற்கு செல்ல இங்கே கிளிக் செய்யுங்கள்.. வீடியோ செய்திகளை உடனுக்குடன் பெறுங்கள்.
எதிர்க்கட்சிகளுக்கு நெருக்கடி
ஒரே சிவில் சட்டம் நிறைவேற்றப்படுமா? இல்லையெனில் நாட்டின் பெயரை இந்தியா என்பதற்கு பதிலாக பாரத் என்று மாற்றும் வகையில் சட்டத் திருத்தம் கொண்டு வரப்படுமா? எனப் பல்வேறு கேள்விகள் எழுகின்றன. இவை அனைத்தும் எதிர்க்கட்சிகளின் இந்தியா கூட்டணிக்கு நெருக்கடியாக மாறியுள்ளன. இத்தகைய சூழலில் டெல்லியில் வரும் 13ஆம் தேதி நடக்கும் கூட்டம் என்பது மிகவும் முக்கியமானதாக பார்க்கப்படுகிறது.