விஜய் பாட்டுக்கு காருக்குள் இருந்தபடியே ஆட்டம் போட்ட அதிதி ஷங்கர்
கார்த்தியுடன் விருமன் படத்தில் அறிமுகமானவர் அதிதி ஷங்கர். அதன்பிறகு சிவகார்த்திகேயனுக்கு ஜோடியாக மாவீரன் என்ற படத்தில் நடித்தார். இந்த இரண்டு படங்களும் ஹிட் அடித்தன. அதையடுத்து விஷ்ணுவர்தன் இயக்கும் படத்தில் நடித்து வரும் அதிதி, அடுத்தபடியாக விஷ்ணு விஷாலுக்கு ஜோடியாக ராம்குமார் இயக்கும் படத்திலும் கமிட்டாகியுள்ளார். இதன்பிறகு சுதா இயக்கும் சூர்யாவின் 43 வது படத்திலும் அதிதி ஷங்கர் நடிப்பார் என்ற தகவல்கள் வெளியாகி உள்ளன. இந்த நிலையில் விஜய்யின் லியோ படத்தில் இடம் பெற்றுள்ள நான் ரெடி என்ற பாடலுக்கு ரோல்ஸ் ராய்ஸ் காருக்குள் அமர்ந்தபடி செம ஆட்டம் போட்டு இருக்கிறார் அதிதி ஷங்கர். இன்ஸ்டாகிராமில் அவர் பதிவிட்டுள்ள அந்த வீடியோ வைரலாகி வருகிறது.