நா ரெடிலியோ திரைப்படத்தில் இருந்து விஜய் பாடிய நா ரெடி தான் என்ற பாடல் விஜய்யின் பிறந்தநாளை முன்னிட்டு வெளியானது. பட்டிதொட்டி எங்கும் ஹிட்டடித்துள்ள இப்பாடல் சில சர்ச்சைகளில் சிக்கியது. இருந்தாலும் ரசிகர்களின் பேராதரவு இப்பாடலுக்கு இருந்ததால் யூடியூபில் பல சாதனைகளை நா ரெடி நிகழ்த்தி காட்டியது. செம மாஸான குத்து பாட்டாக வெளியான நா ரெடி பாடலில் விஜய்யின் நடனம் எப்படி இருக்கும் என்று தான் ரசிகர்கள் எதிர்பார்த்து இருக்கின்றனர். பாடலில் ஒரு சில கிலிம்ப்ஸ் வெளியாகி ரசிகர்களின் எதிர்பார்ப்பை அதிகரிக்க முழு பாடலையும் திரையில் காண ஒட்டுமொத்த ரசிகர்களும் ஆவலாக இருக்கின்றனர்
கிலிம்ஸ்இதுவரை லியோ படத்தில் இருந்து இரண்டு கிலிம்ஸ் வீடியோக்கள் வெளியாகியுள்ளது. சஞ்சய் தத்தின் பிறந்தநாளை முன்னிட்டு அவர் நடித்து வரும் ஆண்டனி தாஸின் கதாபாத்திரத்தின் கிலிம்ப்ஸ் வெளியான நிலையில் அர்ஜுனின் பிறந்தநாளை முன்னிட்டு அவர் நடிக்கும் ஹரோல்ட் தாஸ் என்ற கிலிம்ஸ் வீடியோவும் வெளியானது. இவ்விரு கிலிம்ப்ஸ் வீடியோவும் ரசிகர்கள் மத்தியில் அமோகமான வரவேற்பை பெற்று படத்தின் மீதான எதிர்பார்ப்பை மேலும் அதிகரித்தது. மேலும் இதுவே இப்படி இருந்தால் விஜய் நடித்து வரும் லியோ கதாபாத்திரம் எந்தளவிற்கு மாஸாக இருக்கும் என ரசிகர்கள் தற்போதே யூகித்து வருகின்றனர்
இசை வெளியீட்டு விழாலியோ படத்தின் இசை வெளியீட்டு விழாவிற்கு தான் ரசிகர்கள் ஆவலாக எதிர்பார்த்து இருக்கின்றனர். அந்த விழாவில் விஜய் பேச்சை கேட்க அனைவரும் ஆவலாக இருக்கின்றனர். இந்நிலையில் முதலில் லியோ இசை வெளியீட்டு விழா மலேசியா அல்லது துபாய் என வெளிநாடுகளில் நடக்க இருப்பதாக பேசப்பட்டு வந்தது. ஆனால் தற்போது வந்த தகவலின் படி லியோ படத்தின் இசை வெளியீட்டு விழா சென்னையில் தான் நடைபெற இருக்கின்றதாம். செப்டம்பர் இறுதியில் லியோ படத்தின் இசை வெளியீட்டு விழா சென்னையில் மிகப்பிரமாண்டமான முறையில் நடக்க இருப்பதாக தகவல்கள் வருகின்றன
செகண்ட் சிங்கிள்லியோ படத்தில் இருந்து நா ரெடி பாடல் வெளியான நிலையில் செகண்ட் சிங்கிளுக்காக ரசிகர்கள் ஆவலாக எதிர்பார்த்து இருக்கின்றனர். அவர்களுக்காக ஒரு மகிழ்ச்சியான செய்தி தற்போது வெளியாகியுள்ளது. அதாவது லியோ படத்தின் செகண்ட் சிங்கிள் செப்டம்பர் மூன்றாம் வாரத்தில் வெளியாக இருப்பதாக தகவல் வந்துள்ளது. குறிப்பாக இந்த செகண்ட் சிங்கிள் பாடல் ஒரு ரொமான்டிக் பாடலாக இருக்கும் எனவும் பேசப்பட்டு வருகின்றது. இந்த தகவலை கேட்டு ரசிகர்கள் ஆச்சர்யத்தில் இருக்கின்றனர். பொதுவாக லோகேஷின் படங்களில் குத்து பாடல் மற்றும் மாஸான பாடல் தான் இடம்பெற்று வந்தன. ஆனால் லியோ படத்தில் இருந்து ஒரு ரொமான்டிக் பாடல் வெளியாவதாக வந்த தகவல் ரசிகர்களால் நம்பமுடியவில்லை. ஆனால் இத்தகவலில் எந்தளவிற்கு உண்மை உள்ளது என்றும் தெரியவில்லை என்பது குறிப்பிடத்தக்கது