வாசிக்க நேரம் இல்லையா? செய்தியைக் கேளுங்கள் 
புதுடில்லி: ஜி20 மாநாட்டில் பங்கேற்க டில்லி வரும் அமெரிக்க அதிபர் ஜோ பைடன், கனடா பிரதமர் ஜஸ்டின் ட்ரூடோ, பிரிட்டன் பிரதமர் ரிஷி சுனக் ஆகியோர் தங்க உள்ள இடங்கள் தெரியவந்துள்ளது.
ஜி20 மாநாடு வரும் 9 மற்றும் 10 தேதிகளில் புதுடில்லியில் நடக்க உள்ளது. இந்த மாநாட்டில் பங்கேற்க இன்று மாலை அமெரிக்க அதிபர் ஜோ பைடன் வர உள்ளார். கனடா பிரதமர் ஜஸ்டின் ட்ரூடோ, சீன பிரதமர் லி கெகியாங், பிரிட்டன் பிரதமர் ரிஷி சுனக், ஆஸி., பிரதமர் அந்தோணி அல்போன்ஸ் உள்ளிட்டோரும் இந்தியா வருகின்றனர்.
மாநாட்டிற்கான ஏற்பாடுகள் முழு வீச்சில் நடந்து வருகிறது. பாதுகாப்பு படையினரின் கட்டுப்பாட்டில் டில்லி உள்ளது மாநாடு காரணமாக போக்குவரத்தில் செய்யப்பட்டுள்ள மாற்றங்கள் குறித்து பொது மக்களுக்கு முன்கூட்டியே எச்சரிக்கை விடுக்கப்பட்டுள்ளது.மாநாட்டில் பங்கேற்கும் முக்கிய தலைவர்கள் தங்குமிடம் தெரியவந்துள்ளது. அது பற்றிய விபரம்
ஜோ பைடன்
டில்லி வரும் ஜோ பைடன், ஐடிசி மவுரியா ஓட்டலில் தங்க உள்ளார். நாளை ( செப்.,08) அவர் பிரதமர் நரேந்திர மோடியை சந்தித்து இரு தரப்பு உறவுகள் குறித்து ஆலோசனை நடத்த உள்ளார். மாநாட்டில், பசுமை எரிசக்தி மற்றும் பருவநிலை மாற்றம் குறித்து பேசுவார் என எதிர்பார்க்கப்படுகிறது. பைடனுக்கு 3 அடுக்கு பாதுகாப்பு போடப்பட்டுள்ளது.
ரிஷி சுனக்
பிரிட்டன் பிரதமராக பதவியேற்ற பிறகு ரிஷி சுனக் முதல்முறையாக, இந்தியா வர உள்ளார். அவர் ஷாங்ரி லா ஓட்டலில் தங்க உள்ளார். இந்தியா வர உள்ளதை முன்னிட்டு பிரதமர் மோடியை பாராட்டிய ரிஷி சுனக், தற்போது இந்தியா சரியான நேரத்தில் சரியான நபரின் கைகளில் உள்ளது என புகழ்ந்துள்ளார்.
சீன குழு
சீன அதிபர் ஷி ஜின்பிங்கிற்கு பதில் பிரதமர் லி கெகியாங் தலைமையிலான குழுவினர் மாநாட்டில் பங்கேற்க உள்ளனர். ஜி20 மாநாட்டை ஷி ஜின்பிங் தவிர்ப்பது இதுவே முதல்முறை. இதற்கு முன்னர் 2020 மற்றும் 2021 காலகட்டத்தில் கோவிட் பரவல் காரணமாக வீடியோ கான்பரன்ஸ் வாயிலாக ஷி ஜின்பிங் ஜி20 மாநாட்டில் பங்கேற்றார். தற்போது டில்லி வரும் சீன குழுவினர் தாஜ் ஓட்டலில் தங்க உள்ளனர்.
ஜஸ்டின் ட்ரூடோ
டில்லி வரும் முன் ஆசியான் மாநாட்டில் பங்கேற்க இந்தோனேஷியா செல்லும் ஜஸ்டின் ட்ரூடோ, அங்கிருந்து டில்லி வருகிறார். அவர் லலித் ஓட்டலில் தங்க உள்ளார்.
அந்தோணி அல்போன்ஸ்
பிலிப்பைன்ஸ் மற்றும் இந்தோனேஷியா செல்லும் அந்தோணி அப்போன்ஸ், ஜி20 மாநாட்டில் பங்கேற்க டில்லி வரும் அவர், இம்பீரியல் ஓட்டலில் தங்க உள்ளார்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
