தமிழ்நாடு அரசுப் போக்குவரத்து கழகம் வார இறுதி நாட்களில் தமிழகம் முழுவதும் முக்கிய நகரங்களில் இருந்து பல்வேறு மாவட்டங்களுக்கும் நகரங்களுக்கும் சிறப்பு பேருந்துகளை இயக்கி வருகிறது. இதேபோல் முகூர்த்த நாட்கள், பண்டிகை நாட்கள் மற்றும் தொடர் விடுமுறை நாட்களிலும் தமிழ்நாடு அரசுப் போக்குவரத்து கழகம் சிறப்பு பேருந்துகளை இயக்கி வருகிறது.
இந்நிலையில் வரும் 10 ஆம் தேதி ஞாயிற்றுக் கிழமையும் வரும் 11 ஆம் தேதி திங்கள் கிழமையும் முகூர்த்த நாளாக உள்ளது. இதனை முன்னிட்டு 9ஆம் தேதியான சனிக்கிழமை மற்றும் 10 மற்றும் 11 ஆம் தேதி முகூர்த்த நாட்களான 3 நாட்களுமே சிறப்பு பேருந்துகளை இயக்க தமிழ் நாடு அரசு முடிவு செய்துள்ளது.
அதன்படி திருச்சி, கும்பகோணம், தஞ்சாவூா், பட்டுக்கோட்டை, நாகப்பட்டினம், திருவாரூா், மயிலாடுதுறை, வேதாரண்யம், திருத்துறைப்பூண்டி, புதுக்கோட்டை, காரைக்குடி, ராமநாதபுரம் ஆகிய பகுதிகளில் இருந்து சென்னைக்கு சிறப்பு பேருந்துகள் இயக்கப்படவுள்ளன.
அரசு பேருந்துகளை இயக்கி வரும் அரசு போக்குவரத்து கழக அதிகாரிகளைக் கண்டித்து கடை அடைப்பு போராட்டம்.
இதேபோல் சென்னையிலிருந்து திருச்சி, கும்பகோணம், தஞ்சாவூா், பட்டுக்கோட்டை, நாகப்பட்டினம், வேளாங்கண்ணி, திருவாரூா், மயிலாடுதுறை, வேதாரண்யம், திருத்துறைப்பூண்டி, புதுக்கோட்டை, காரைக்குடி, ராமநாதபுரம் ஆகிய பகுதிகளுக்கும் 150 பேருந்துகள் இயக்கப்படும் என அறிவிக்கப்பட்டுள்ளது.
இதேபோல் திருச்சியிலிருந்து கோவை, திருப்பூா், மதுரை ஆகிய பகுதிகளுக்கும், கோவை, திருப்பூா், மதுரை ஆகிய பகுதிகளில் இருந்து திருச்சிக்கும் சிறப்பு பேருந்துகள் இயக்கப்படவுள்ளன. மேலும் திருச்சியிலிருந்து காரைக்குடி, புதுக்கோட்டை, தஞ்சாவூா், நாகப்பட்டினம், வேளாங்கண்ணி ஆகிய பகுதிகளுக்கு 100 பேருந்துகள் இயக்கப்படவுள்ளன.
முகூர்த்த நாட்களை முன்னிட்டு இந்த வாரம் மொத்தம் 250 சிறப்புப் பேருந்துகள் இயக்கப்படவுள்ளன. விடுமுறை முடிந்ததும் பயணிகள் ஊா் திரும்ப சென்னை வழித்தடத்தில் 150 பேருந்துகளும் பிற வழித்தடங்களில் 100 சிறப்புப் பேருந்துகள் இயக்கப்படவுள்ளதாகவும் முன்பதிவு செய்யும் பயணிகளின் எண்ணிக்கையை பொறுத்து சிறப்பு பேருந்துகள் இயக்கப்படும் என்றும் தமிழ்நாடு அரசு போக்குவரத்துக் கழகம் தெரிவித்துள்ளது.