சந்திரயான் 3
நிலவின் தென் துருவத்திற்கு கடந்த ஜூலை மாதம் 14 ஆம் தேதி இந்தியா அனுப்பிய சந்திரயான் 3 விண்கலம் சுமார் 40 நாட்கள் பயணத்திற்கு பிறகு கடந்த ஆகஸ்ட் 23 ஆம் தேதி வெற்றிகரமாக நிலவின் தென் துருவத்திற்கு அருகே தரையிறங்கியது. தொடர்ந்து சந்திரயான் 3 விண்கலத்தின் விக்ரம் லேண்டர் மற்றும் பிரக்யான் ரோவர் திட்டமிட்டப்படி தங்களின் பணிகளை மேற்கொண்டன.
லூனா 25
அதேநேரத்தில் ரஷ்யாவின் ரோஸ்கோஸ்மோஸ் விண்வெளி நிறுவனம் லூனா 25 என்ற விண்கலத்தை கடந்த ஆகஸ்ட் 10 ஆம் தேதி விண்ணில் செலுத்தியது. அதிகப்பட்சமாக 11 நாட்களில் நிலவை சென்றடையும் வகையில் உருவாக்கப்பட்டிருந்த லூனா 25 விண்கலம் நிலவில் மோதி நொறுங்கியது.
முகூர்த்த நாட்களை முன்னிட்டு 3 நாட்கள் சிறப்பு பேருந்துகள்… தமிழக அரசு அறிவிப்பு!
ஒத்திவைப்பு
இந்நிலையில் நிலவில் ஆய்வு மேற்கொள்ள ஜப்பானும் திட்டமிட்டது. இதற்காக ஸ்லீம் என்ற விண்கலத்தை நிலவுக்கு அனுப்ப உள்ளதாக ஜப்பானின் விண்வெளி ஆய்வு நிறுவனம் அறிவித்தது. விண்ணில் செலுத்த நேரம் குறிக்கப்பட்ட நிலையில் இந்த திட்டம் மோசமான வானிலை காரணமாக இரண்டு முறை ஒத்திவைக்கப்பட்டது.
விண்ணில் செலுத்தப்பட்டது
இந்நிலையில் இன்று காலை ஒரு வழியாக ஸ்லீம் விண்கலம் தெற்கு ஜப்பானில் உள்ள தனேகாஷிமா விண்வெளி மையத்தில் இருந்து H2-A ராக்கெட் மூலம் விண்ணில் செலுத்தப்பட்டதாக ஜப்பான் விண்வெளி நிறுவனமான (JAXA) அறிவித்துள்ளது. இந்த ராக்கெட் ஜப்பானின் “மூன் ஸ்னைப்பர்” லேண்டரை சுமந்து செல்கிறது.
தித்திக்குதே 2.0 வேணும்… ஸ்ரீதேவி விஜயகுமாரிடம் அடம்பிடிக்கும் ரசிகாஸ்!
ஸ்மார்ட் லேண்டர்
ஜப்பானின் இந்த லேண்டர், ஸ்மார்ட் லேண்டர் என அழைக்கப்படுகிறது. SLIM (Smart Lander for Investigating Moon) விண்கலம் 200 கிராம் எடை கொண்டது. இது சந்திரயான் 3 எடையை விட மிகவும் குறைவு. இந்த ஸ்லீம் விண்கலம் நான்கு முதல் ஆறு மாதங்களில் நிலவின் மேற்பரப்பைத் தொடும் என்று கூறப்படுகிறது.
துல்லியமாக தரையிறங்க
அடுத்த ஆண்டு தொடக்கத்தில் நிலவின் மேற்பரப்பில் ஸ்லீம் விண்கலத்தை தரையிறக்க முயற்சிகள் மேற்கொள்ளப்படும் என ஜப்பானின் ஜாக்ஸா நிறுவனம் தெரிவித்துள்ளது. நிலவில் திட்டமிட்ட இடத்தில் துல்லியமாக தரையிறங்க இந்த ஸ்னைப்பர் மூன் திட்டம் உதவியாக இருக்கும் என ஜாக்ஸா தெரிவித்துள்ளது.
யார் அந்த கோமாளி? பாரத் பெயர் மாற்றம்.. வைரலாகும் பிரகாஷ் ராஜின் டிவீட்!
செயற்கைக்கோள்
இந்த ராக்கெட் ஜாக்சா, நாசா மற்றும் ஐரோப்பிய விண்வெளி நிறுவனம் இணைந்து உருவாக்கிய ஆராய்ச்சி செயற்கைக்கோளையும் சுமந்து செல்கிறது. ஜப்பானின் இந்த திட்டம் வெற்றி பெருமாயின் நிலவில் தடம் பதித்த அமெரிக்கா, ரஷ்யா, சீனா மற்றும் இந்தியா ஆகிய 4 நாடுகளின் பட்டியலில் ஐந்தாவதாக இணையும்.
இஸ்ரோ வாழ்த்து
இதனிடையே ஸ்லீம் விண்கலத்தை வெற்றிகரமாக விண்ணில் செலுத்திய ஜப்பானின் ஜாக்ஸா நிறுவனத்திற்கு இந்தியாவின் விண்வெளி ஆய்வு நிறுவனமான இஸ்ரோ வாழ்த்து தெரிவித்துள்ளது. இதுதெடர்பாக இஸ்ரோ பதிவிட்ட டிவீட்டில் நிலவுக்கு SLIM லேண்டர் வெற்றிகரமாக ஏவப்பட்டதற்கு வாழ்த்துகள் ஜாக்ஸா என குறப்பிட்டுள்ளது. மேலும் உலகளாவிய விண்வெளி சமூகத்தின் மற்றொரு வெற்றிகரமான நிலவின் ஆய்வு முயற்சிக்கு வாழ்த்துக்கள் என்றும் இஸ்ரோ குறிப்பிட்டுள்ளது.
தீவிரமடையும் தென்மேற்கு பருவமழை… இனிமேதான் ஆட்டமே.. தமிழ்நாடு உட்பட… இந்திய வானிலை மையம் எச்சரிக்கை!