தென்மேற்கு பருவமழை மீண்டும் சூடுபிடித்து வருகிறது. இதனால் தெலுங்கான மாநிலத்தின் பல்வேறு பகுதிகளிலும் பலத்த மழை பெய்து வருகிறது. தலைநகர் ஹைதராபாத்தில் கொட்டித் தீர்த்த கனமழையால் நகரின் முக்கிய பகுதிகள் வெள்ளக்காடாக காட்சியளித்து வருகிறது.
தொடர்ந்து மழை பெய்து வருவதால் பல பகுதிகளிலும் மழை நீர் குளம் போல் தேங்கியுள்ளது. மழை நீரை அகற்றும் பணியில் ஊழியர்கள் ஈடுபட்டுள்ளனர். இந்நிலையில் குக்கட்பள்ளியின் ஷீரடி நகர் மற்றும் தரணி நகர் தெருக்களில் பலத்த மழை காரணமாக ரசாயன நுரை தேங்கியது.
பிரசவ வலியால் துடித்த கர்ப்பிணி.. 20 கிமீ டோலியில் தூக்கிச் செல்லப்பட்ட கொடுமை.. தெலுங்கானாவில் ஷாக்கிங் சம்பவம்!
தெருக்கள் பலவற்றிலும் பெருமளவு நுரை தேங்கியது. இதனால் மக்கள் பெரும் பீதியடைந்தனர். காலனிகளை ஒட்டி செல்லும் சாக்கடையில், அருகில் உள்ள தொழிற்சாலைகளில் இருந்து வெளியேறும் ரசாயன கழிவுகள் கலந்ததிருந்த நிலையில் மழை பெய்ததும் நுரை உருவானதாக கூறப்படுகிறது.
குடியிருப்பு பகுதிகளிலும் மழை நீருடன் கலந்து நுரை உருவானது. இதனால் குக்கட்பள்ளியின் பல பகுதிகள் பனி மலையை போல வெள்ளையாக காட்சியளித்தது, இதனை தங்களின் மொபைல் போன்களில் படம் பிடித்த மக்கள் குக்கட்பள்ளி மற்றும் அதனை சுற்றியுள்ள பகுதிகள் காஷ்மிர் பள்ளத்தாக்கை போல் உள்ளதாக தெரிவித்தனர்.
ரூ. 6800 கோடியில் 2 ரயில் பாதைகள்… தெலுங்கானாவுக்கு அடித்த ஜாக்பாட்!
இதனிடையே தெலுங்கான மாநிலத்தின் பல்வேறு பகுதிகளில் இன்றும் கனமழை கொட்டி தீர்த்தது. செப்டம்பர் 11ஆம் தேதி வரை ஹைதராபாத்தில் மழை பெய்யும் என்றும் செப்டம்பர் 11 ஆம் தேதிக்கு பிறகு மழையின் அளவு குறையும் என்றும் இந்திய வானிலை மையம் தெரிவித்துள்ளது.