ஷாருக்கானின் ஜவான் படத்தின் மூலம் பாலிவுட் திரையுலகில் என்ட்ரி கொடுத்துள்ளார் அட்லி. என்னதான் அட்லி முன்னணி இயக்குனராக வலம் வந்தாலும் மறுபக்கம் சில விமர்சனங்களும் அவர் மீது வைக்கப்பட்டு வருகின்றது. இருந்தாலும் படம் ரசிகர்களை மிகப்பெரிய அளவில் ஈர்த்து வசூலில் சாதனை படைக்கின்றது. எனவே அட்லி விமர்சனங்களை பற்றி கவலைப்படாது ரசிகர்களுக்கு பொழுதுபோக்கான அதே சமயத்தில் ஒரு சில நல்ல கருத்துக்களையும் தன் படத்தின் மூலம் சொல்லவேண்டும் என்பதையே குறிக்கோளாக வைத்துள்ளார்.
அந்த வகையில் அவர் இயக்கத்தில் வெளியான ராஜா ராணி, தெறி, மெர்சல், பிகில் என அனைத்து படங்களும் ரசிகர்களை மிகப்பெரிய அளவில் ஈர்த்த படங்களாகும். அதை ஜவான் படத்திலும் அட்லி செய்துள்ளார் என தற்போது தகவல்கள் வருகின்றன. இன்று உலகம் முழுவதும் பல மொழிகளில் வெளியான ஜவான் திரைப்படம் பாசிட்டிவான விமர்சனங்களையே பெற்று வருகின்றது.
சாதனை செய்வாரா அட்லி?
கிட்டத்தட்ட நான்கு ஆண்டுகளுக்கு பிறகு அட்லியின் திரைப்படம் திரையில் வெளியாகின்றது. மேலும் இப்படத்தில் ஷாரூக்கானுடன் இணைந்து தமிழ் திரையுலகை சேர்ந்த பலர் நடித்துள்ளனர். இதெல்லாம் இப்படத்தின் மீதான எதிர்பார்ப்பை அதிகப்படுத்தியது. இதைத்தொடர்ந்து கடந்த வாரம் ஜவான் படத்தின் ட்ரைலர் வெளியாகி ரசிகர்களின் அமோகமான வரவேற்பையும் பெற்று படத்தின் மீதான ஹைப்பை மேலும் கூட்டியது.
jawan cameo: சொன்னமாதிரியே ஜவான் படத்தின் மூலம் ரசிகர்களுக்கு சர்ப்ரைஸ் கொடுத்த அட்லீ..!
எனவே ஜவான் படத்திற்கு முன்பதிவும் சிறப்பாகவே இருந்தது. இந்நிலையில் இன்று வெளியாகியுள்ள ஜவான் படத்திற்கு பெரும்பாலும் பாசிட்டிவான விமர்சனங்களே வந்த வண்ணம் இருக்கின்றன. எனவே இப்படம் மிகப்பெரிய வெற்றியை பெற்று வசூலில் சாதனை படைக்கும் என எதிர்பார்க்கப்படுகின்றது.
மேலும் ஆயிரம் கோடி வசூலையும் அள்ளும் என தெரிகின்றது.
எதிர்பார்ப்பில் ரசிகர்கள்
அப்படி ஜவான் திரைப்படம் ஆயிரம் கோடி வசூலை பெற்றால் அட்லி மிகப்பெரிய சாதனையை படைப்பார். இதுவரை தமிழ் சினிமாவை சார்ந்த இயக்குனர்களின் படங்கள் ஆயிரம் கோடி வசூலித்ததில்லை. எனவே அட்லியின் ஜவான் திரைப்படம் ஆயிரம் கோடி வசூலிக்கும் பட்சத்தில் தமிழ் திரையுலகில் முதல் ஆயிரம் கோடி வசூலை எட்டிய இயக்குனர் என்ற பெருமையை அட்லி பெறுவார். இந்நிலையில் ஜவான் படத்தின் மூலம் அட்லி இந்த சாதனையை நிகழ்த்துவாரா என ஒட்டுமொத்த தமிழ் திரையுலகும் எதிர்பார்த்து இருப்பது குறிப்பிடத்தக்கது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்