முகமத் குட்டி பணபரம்பில் இஸ்மாயில் என்ற இயற்பெயரை கொண்டவர் தான் மம்மூட்டி. இன்று தனது 72 ஆவது பிறந்தநாளை கொண்டாடும் மம்மூட்டிக்கு வாழ்த்துக்கள் குவிந்த வண்ணம் உள்ளன. மேலும் அவரை பற்றிய தகவல்கள் இணையத்தில் ரசிகர்களால் ஷேர் செய்யப்பட்டு வருகின்றது. அந்த வகையில் அவரின் ஆரம்பகாலகட்டத்தை பற்றியும், சினிமாவை தன் தொழிலாக மம்மூட்டி தேர்ந்தெடுத்ததை பற்றியும் தகவல்கள் வந்துள்ளன.
அதாவது மம்மூட்டி டீனேஜ் பருவத்தில் இருக்கும்போதே சினிமாவின் மீது காதல் கொண்டார். அப்போதே அவருக்கு நடிக்கவேண்டும் என ஆசை வந்துவிட்டது. எனவே பள்ளிப்படிப்பை முடித்துவிட்டு மம்மூட்டி நடிப்பாகற்கான முயற்சியில் இறங்கினார். ஆனாலும் படிப்பு வாழ்க்கையில் மிக முக்கியம் என்பதை உணர்ந்த மம்மூட்டி படித்து முடித்துவிட்டு சினிமாவில் முயற்சிக்கலாம் என முடிவெடுத்தார்.
மம்மூட்டிக்கு தடை விதித்த பெற்றோர்
எனவே சட்டக்கல்லூரியில் சேர்ந்து தன் பட்டப்படிப்பை முடித்துவிட்டு வழக்கறிஞர் ஆனார் மம்மூட்டி. அதன் பிறகு கிட்டத்தட்ட இரண்டு ஆண்டுகள் மம்மூட்டி வழக்கறிஞராக பணியாற்றினார். மேலும் அந்த பணியில் சிறந்து விளங்கினார் மம்மூட்டி. இருந்தாலும் சினிமா மீதும் நடிப்பின் மீதும் கொண்ட ஆர்வத்தால் வழக்கறிஞர் வேலையை விட்டுவிட்டு சினிமாவில் கவனம் செலுத்த முடிவெடுத்தார்.
Atlee kumar: ஜவான் மூலம் ஆயிரம் கோடி கிளப்பில் இணைவாரா அட்லி ?
இந்த முடிவை மம்மூட்டி அவரது பெற்றோரிடம் கூறினார். அவர்கள், சினிமா எல்லாம் உனக்கு வேண்டாம், இப்பொது நீ செய்யும் வேலை நன்றாக தானே இருக்கின்றது, அதையே செய். உனக்கு ஏன் சினிமா எல்லாம் என கூறி மம்மூட்டியை தடுத்து நிறுத்தினர்.இருந்தாலும் விடாப்பிடியாக நான் சினிமாவில் தான் முயற்சி செய்வேன் என மம்மூட்டி கூறியதால் அவரது பெற்றோர்கள் அதன் பிறகு அவரை தடுக்கவில்லை.
பிறந்தநாள் கொண்டாட்டம்
இந்நிலையில் முழு மூச்சாக மம்மூட்டி சினிமாவில் முயற்சி செய்ய துவங்கினார். பல போராட்டங்களையும் கஷ்டங்களையும் சந்தித்து வந்த மம்மூட்டிக்கு மெல்ல மெல்ல வாய்ப்புகள் வர துவங்கின. அந்த வாய்ப்புகளை பயன்படுத்தி அடுத்தடுத்து வெற்றிகளை குவித்து வந்தார் மம்மூட்டி. முதல் முதலில் டபுள் ஆக்ஷனில் நடித்த முதல் மலையாள நடிகர் என்ற பெருமையை மம்மூட்டி பெற்றார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும் பல விருதுகளை பெற்ற மம்மூட்டி பல மொழி படங்களிலும் நடித்து இந்திய முழுவதும் புகழ்பெற்ற நடிகராக வலம் வர துவங்கினார். என்னதான் மம்மூட்டிக்கு வயதானாலும் இன்றளவும் இளமையாக அவரது மகனான துல்கர் சல்மானுக்கு சவால் விடும் வகையில் தன் பிட்னெஸ்ஸை பாதுகாத்து வருகின்றார் மம்மூட்டி என்பது குறிப்பிடத்தக்கது.