சூப்பர்ஸ்டார் ரஜினி ஜெயிலர் வெற்றியின் மூலம் புது உத்வேகம் பெற்றுள்ளார். வசூல் ரீதியாகவும், விமர்சன ரீதியாகவும் மிகப்பெரிய வெற்றியை பெற்றுள்ள ஜெயிலர் படத்தை அடுத்து ரஜினி தன் அடுத்தடுத்த படங்களின் வேலையை பிசியாக செய்து வருகின்றார். அந்த வகையில் ரஜினியின் நடிப்பில் அடுத்ததாக லால் சலாம் என்ற திரைப்படம் வெளியாக இருக்கின்றது.
விஷ்ணு விஷால் மற்றும் விக்ராந்த் நாயகர்களாக நடிக்கும் இப்படத்தை ரஜினியின் மகளான ஐஸ்வர்யா தான் இயக்கி வருகின்றார். என்னதான் ரஜினி இப்படத்தில் சிறப்பு தோற்றத்தில் நடித்திருந்தாலும் ரசிகர்கள் இப்படத்தை ரஜினியின் படமாகவே நினைத்து கொண்டாட தயாராகி வருகின்றனர். மொய்தீன் பாய் என்ற மாஸான கதாபாத்திரத்தில் ரஜினி இபபடத்தில் நடித்துள்ளார்.
HBD Mammootty: சினிமா எல்லாம் வேண்டாம்ப்பா..மம்மூட்டியை நடிக்க வேண்டாம் என்ற பெற்றோர்..ஏன் தெரியுமா ?
தற்போது இப்படத்தின் படப்பிடிப்பு எல்லாம் முடிவடைந்து போஸ்ட் ப்ரொடக்ஷன் வேலைகள் விறுவிறுப்பாக போய்க்கொண்டிருக்கிறது. இந்நிலையில் இப்படத்தின் டப்பிங் வேலைகள் நேற்று துவங்கியுள்ளது. ஜென்மாஷ்டமி அன்று லால் சலாம் படத்தின் டப்பிங் பணிகளை துவங்கியுள்ளதாக இப்படத்தின் இயக்குனரான ஐஸ்வர்யா தன் சமூக பக்கத்தில் பதிவிட்டிருந்தார்.
ஐஸ்வர்யாவின் பதிவு
மறுபக்கம் ரஜினியின் இளைய மகளான சௌந்தர்யாவும் ஜென்மாஷ்டமியை முன்னிட்டு தன் அடுத்த வெப் தொடரின் பணிகளை செய்து வருகின்றார். அசோக் செல்வன் இந்த தொடரில் நாயகனாக நடித்து வருகின்றார். இவ்விருவரும் ஜென்மாஷ்டமியை முன்னிட்டு தங்களின் அடுத்தடுத்த பணிகளை துவங்கியுள்ளதாக போட்ட பதிவால் இவர்களுக்கு வாழ்த்துக்கள் குவிந்த வண்ணம் உள்ளன.
3 படத்தின் மூலம் இயக்குனரான ஐஸ்வர்யா எட்டு ஆண்டுகளுக்கு பிறகு மீண்டும் இயக்குனராக லால் சலாம் படத்தில் களமிறங்குகிறார். அதுவும் தன் தந்தை சூப்பர்ஸ்டார் ரஜினியை இப்படத்தில் இயக்கியுள்ளார். அதைப்போல கோச்சடையான் படத்தின் மூலம் இயக்குனரான சௌதர்யா தற்போது தன் அடுத்த படைப்பை உருவாக்கி வருகின்றார்.
சௌந்தர்யா சொன்ன அப்டேட்
இவ்வாறு ரஜினியின் மகள்கள் இருவரும் தங்களின் அடுத்த படைப்பை பற்றிய அறிவிப்பை பதிவிட்டதை அடுத்து ரசிகர்கள் முதல் திரைபிரபலன்கள் வரை அனைவரும் வாழ்த்துக்களை தெரிவித்து வருகின்றனர் என்பது குறிப்பிடத்தக்கது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்