மேற்கு திசை காற்றின் வேகமாறுபாடு காரணமாக, இன்றும் நாளையும் (செப்டம்பர் 7, 8) கோயம்புத்தூர் மாவட்டத்தின் மலை பகுதிகள், நீலகிரி, தேனி மற்றும் திண்டுக்கல் என நான்கு மாவட்டங்களில் ஓரிரு இடங்களில் கனமழை பெய்யவாய்ப்புள்ளது.
நாளை மறுதினம் (செப்டம்பர் 9) கோயம்புத்தூர் மாவட்டத்தின் மலை பகுதிகள், நீலகிரி, தேனி மற்றும் திண்டுக்கல் என மூன்று மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.
செப்டம்பர் 10, 11 ஆகிய தினங்களில் கோயம்புத்தூர் மாவட்டத்தின் மலை பகுதிகள் மற்றும் நீலகிரி மாவட்டத்தில் ஓரிரு இடங்களில் கனமழை பெய்ய வாய்ப்புள்ளது.
உசிலம்பட்டி கனமழை காரணமாக பொதுமக்களின் இயல்பு வாழ்க்கை பாதிக்கப்பட்டது
செப்டம்பர் 7ஆம் தேதி முதல் செப்டம்பர் 13ஆம் தேதி வரை தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.
சென்னை மற்றும் புறநகர் பகுதிகளைப் பொறுத்தவரை இன்றும் நாளையும் வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசானது முதல் மிதமான மழை பெய்யக்கூடும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 26-27 டிகிரி செல்சியஸை ஒட்டியும் இருக்கக்கூடும்.
தமிழ்நாட்டில் நேற்று அதிகபட்சமாக செர்முல்லி (நீலகிரி), தேவாலா (நீலகிரி) ஆகிய இடங்களில் 7 செ.மீ மழை பதிவாகியுள்ளது. சின்னக்கள்ளாறில் 5 செ.மீட்டரும், சோலையார், பந்தலூர், வால்பாறை உள்ளிட்ட பகுதிகளில் 4 செ.மீ மழையும் பெய்துள்ளது.
நேற்றைய தினம் தமிழ்நாட்டிலேயே அதிகபட்சமாக 37 டிகிரி செல்சியஸ் வெப்பநிலை பதிவாகியுள்ளது.