ஜெயிலரை தொடர்ந்து வேகமெடுக்கும் 'லால் சலாம்': கேப்பே இல்லாமல் மாஸ் காட்டும் ரஜினி.!

ரஜினி நடிப்பில் அடுத்ததாக ‘லால் சலாம்’ படம் வெளியாக இருக்கிறது. தனது மகள் ஐஸ்வர்யா இயக்கத்தில் உருவாகியுள்ள இந்தப்படத்தில் ரஜினி கெஸ்ட் ரோலில் நடித்திருந்தாலும், ரசிகர்களிடையே இந்தப்படத்திற்கு மிகுந்த எதிர்பார்ப்பு நிலவி வருகிறது. இந்நிலையில் ‘லால் சலாம்’ படத்திற்கான முக்கியமான பணியை துவங்கியுள்ளார் ஐஸ்வர்யா ரஜினிகாந்த்.

கோலிவுட் சினிமாவில் தனுஷ் நடிப்பில் வெளியான ‘3’ படம் மூலமாக இயக்குனராக அறிமுகமானவர் தான் ஐஸ்வர்யா ரஜினிகாந்த். இந்தப்படத்தை தொடர்ந்து கெளதம் கார்த்திக்கை வைத்து ‘வை ராஜா வை’ என்ற படத்தை இயக்கினார். இந்தப்படங்களுக்கு பிறகு டைரக்ஷனில் இருந்து விலகி இருந்தார் ஐஸ்வர்யா.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் தான் தற்போது ‘லால் சலாம்’ படம் மூலமாக மீண்டும் இயக்குனராக களமிறங்கியுள்ளார். கடந்த சில மாதங்களாகவே விறுவிறுப்பாக நடந்து வந்த இதன் படப்பிடிப்பு அண்மையில் முழுவதுமாக நிறைவடைந்தது. இதனையடுத்து படத்தின் அடுத்தக்கட்ட பணிகளில் கவனம் செலுத்தி வந்தார் ஐஸ்வர்யா ரஜினிகாந்த்.

இந்நிலையில் தற்போது ‘லால் சலாம்’ படத்தின் டப்பிங் பணிகள் துவங்கியுள்ளன. இது தொடர்பான புகைப்படத்தை தனது இன்ஸ்டாகிராம் பக்கத்தில் பகிர்ந்துள்ள ஐஸ்வர்யா ரஜினிகாந்த், ‘ஏற்கனவே இன்று கிருஷ்ண ஜெயந்தி. அதை விட சிறப்பான நாளாக இன்று மாறிய போது எனக்குறிப்பிட்டு ஸ்கிரீனில் ரஜினி பெயர் தெரியும் புகைப்படத்தை பகிர்ந்துள்ளார். அத்துடன் டப்பிங் வித் அப்பா என்றும் தன்னுடைய பதிவிற்கு கேப்சன் கொடுத்துள்ளார்.

Aishwarya Rajinikanth: இது தற்செயலானது அல்ல.. ஆரம்பித்த இடத்திலே முடிந்தது: ஐஸ்வர்யா ரஜினிகாந்த்.!

‘ஜெயிலர்’ படத்தின் ரிலீசுக்கு பிறகு ஓய்வே இல்லாமல் இயக்கி வரும் ரஜினி, தற்போது ‘லால் சலாம்’ படத்திற்கான டப்பிங் பணிகளையும் துவங்கியுள்ளார். இதனை பார்த்து உற்சாகமான ரசிகர்கள் எக்கச்சக்கமான கமெண்ட்களை குவித்து வருகின்றனர். ‘ஜெயிலர்’ படத்தில் தலைவர் மாஸ் பண்ணிட்டாரு. அதே மாதிரி ‘லால் சலாம்’ படத்துலயும் பெரிய சம்பவம் பண்ண வைச்சுடுங்க என கூறி வருகின்றனர். ஐஸ்வர்யா தனது அப்பா ரஜினியை ஸ்கிரீனில் எப்படி காட்ட போகிறார் என்பதையும் அறிய ரசிகர்கள் ஆர்வமாக உள்ளனர்.

View this post on InstagramA post shared by Aishwaryaa Rajinikanth (@aishwaryarajini)

‘லால் சலாம்’ படத்தில் விஷ்ணு விஷால், விக்ராந்த் முதன்மை கதாபாத்திரத்தில் நடித்துள்ளனர். நடிகர் ரஜினிகாந்த் மொய்தீன் பாய் என்ற இஸ்லாமியராக கெஸ்ட் ரோலில் இந்தப்படத்தில் நடித்துள்ளார். மேலும் லைகா நிறுவனம் தயாரிப்பில் உருவாகியுள்ள ‘லால் சலாம்’ படத்திற்கு ஏ.ஆர். ரஹ்மான் இசையமைத்துள்ளார். இந்தப்படத்தை தொடர்ந்து த.செ. ஞானவேல் இயக்கத்தில் ரஜினி ‘தலைவர் 170’ படத்தில் நடிக்கவுள்ளது குறிப்பிடத்தக்கது.

Lal Salaam: நீங்கள் ஒரு மேஜிக் அப்பா.. ஐஸ்வர்யா ரஜினிகாந்த் நெகிழ்ச்சி.!