புதுடில்லி: ஜி 20 மாநாட்டில் கலந்து கொள்ள வந்த சர்வதேச நிதியத்தின் தலைவர் , ஒடிசா கிராமிய கலைஞர்களின் நடனத்தை ரசித்து தானும் நடனமாடிய வீடியோ சமூக வலைதளங்களில் வெளியாகியுள்ளது.
நாளை ஜி 20 மாநாடு டில்லி பிரகதி மைதானத்தின் உள்ள பாரத மண்டபத்தில் மோடி தலைமையில் துவங்குகிறது. நேற்று மாலை முதல் ஜி 20 உறுப்புநாடுகளின் தலைவர்கள் டில்லி விமான நிலையம் வந்திறங்கினர்.
அப்போது ஐ.எம்.எப்.எனப்படும் சர்வதேச நிதியத்தின் தலைவர் கிறிஸ்டினா ஜியார்ஜிவா, டில்லி பாலம் விமான நிலையம் வந்திறங்கினார். தலைவர்களை வரவேற்பதாக விமான நிலைய அரங்கில் ஒடிசா கிராமிய கலைஞர்களின் நடன நிகழ்ச்சி அங்கு நடந்து கொண்டிருந்தது. அதை பார்த்துரசித்த கிறிஸ்டினா ஜியார்ஜிவா, தன்னை மறந்து அவர்களை போன்று நடனமாடி தனது மகிழ்ச்சியை தெரிவித்தார். இதன் வீடியோ சமூக வலைதளங்களில் வைரலானது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
