கண்களால் கைது செய் என்னும் படைத்ததின் மூலம் தமிழ் சினிமாவில் அறிமுகமான நடிகைதான் ப்ரியாமணி. இவர் நடிகர் கார்த்தியுடன் இணைந்து நடித்த பருத்திவீரன் படத்தின் மூலம் பிரபலமடைந்தார். தொடர்ந்து தமிழ், தெலுங்கு, கன்னடம், மலையாளம் மற்றும் ஹிந்தி படங்களில் நடித்தது வருகிறார் ப்ரியாமணி. இந்நிலையில், இயக்குனர் அட்லீ இயக்கத்தில் நேற்று (செப்டம்பர் 7) வெளியான ஜவான் படத்தில் மிகவும் முக்கியமான கதாபாத்திரத்தில் நடித்திருக்கிறார் நடிகை ப்ரியாமணி.
நடிகை ப்ரியாமணி
சமீபத்தில், அவர் ஒரு நேர்காணலில் பேசியபோது ஜவான் திரைப்படம் குறித்தும், ஜவான் படத்தில் தான் நடித்ததற்காக மூன்று காரணங்கள் குறித்தும் பேசி இருக்கிறார். முன்னதாக, ஜவான் படத்திற்கு இந்தியா மட்டுமல்லாமல், உலகம் முழுவதுக்கும் நல்ல ரெஸ்பான்ஸ் வந்துள்ளதாக தெரிவித்தார். காரணங்களை கூறுவதற்கு முன் படத்தில் நடித்த அனுபவம் குறித்து பேசினார் நடிகை ப்ரியாமணி.
ஜவான் படத்தில் ப்ரியாமணி
படத்தில் ஜவான் ஆர்மயில் ஆறு பெண்கள் நடித்திருப்பார்கள், அதில் பல பேர் புது முகங்கள். எனினும் அவர்கள் அனைவருமே மிகக் சிறப்பாக நடித்த்திருக்கிறார்கள். அந்த ஜவான் ஆர்மியில் ப்ரியாமணியும் ஒருவர். இந்த ஆறு பேர்தான் படத்தின் தரமான விஷயமாக ப்ரியாமணி கூறினார். கடந்த இரண்டு ஆண்டுகளாக ஒன்றாக வேலை செய்து குடும்பமாக ஆகிவிட்டனராம். அவர்களுக்காக ஒரு வாட்ஸாப்ப் குழுவும் இருக்கிறதாம்.
கூகுள் செய்திகள் பக்கத்தில் Samayam Tamil இணையதளத்திற்கு செல்ல இங்கே கிளிக் செய்யுங்கள்.. உடனுக்குடன் செய்திகளை பெறுங்கள்
“இந்த படம் ரிலீசுக்கு முன்பே தமிழ் மக்கள் நல்ல வரவேற்பை கொடுத்தனர். ஜவான் படத்தின் ப்ரீ ரிலீஸ் நிகழ்ச்சியில் தமிழ் மக்களின் ஆர்வத்தை புரிந்துக்கொண்டோம். படத்தில் நடித்திருந்த புது முகங்களுக்கு நம் தமிழ் மக்கள் கொடுத்த ஆதரவு மிகவும் ஆச்சரியமாக இருந்தது, நான் சொன்னேன், இது தொடக்கமே, தமிழ் மக்கள் படத்தை பார்த்து அவர்களுக்கு பிடித்துவிட்டால் பயங்கரமாக கொண்டாடுவார்கள் ” என ப்ரியாமணி கூறியுள்ளார்.
கூகுள் செய்திகள் பக்கத்தில் TimesXP Tamil இணையதளத்திற்கு செல்ல இங்கே கிளிக் செய்யுங்கள்.. வீடியோ செய்திகளை உடனுக்குடன் பெறுங்கள்
மேலும், இந்த படத்தின் மூலம் தமிழ் மக்களை பல வருடங்களுக்கு பிறகு திரையின்மூலம் சந்தித்த ப்ரியாமணிக்கு மிகுந்த வரவேற்பு இருந்தது. அடுத்தடுத்து சில படங்கள் வெளிவர போவதாகவும், அதற்கும் தமிழ் மக்கள் எப்போதும்போல ஆதரவு கொடுக்கவேண்டும் எனவும் ப்ரியாமணி கூறினார்.
ஜவான்
ஜவான் படத்தில் தான் நடித்தற்கான காரணத்தை கூறினார் ப்ரியாமணி, முதலில், சென்னை எக்ஸ்பிரஸ் படத்தில் நடிகர் ஷாருக்கானுடன் நடனமாட வாய்ப்பு கிடைத்தது, பல கிடைத்தது, பயணிக்கும் கதாபாத்திரம் இது அவர் கூறிய முதல் காரணம். இயக்குனர் அட்லீ இந்த படத்தின் கதையை கூற ஜூம் காலில் தன்னை அழைத்து பேசினார், அட்லீ போன்ற இயக்குனருடன் சேர்ந்து நடிக்கும் வாய்ப்பு அவர் கூறிய இரண்டாவது காரணமாகும். மூன்றாவது மற்றும் முக்கிய காரணம், படத்தின் கதை மற்றும் படத்தில் அவருக்கு கொடுக்கப்பட்டிருக்கும் கதாபாத்திரம் என நடிகை ப்ரியாமணி கூறியிருக்கிறார்.
Marimuthu : என் குடும்பத்தை சந்தோஷமாக வைத்திருக்கிறேன் ! அது போதும் ..
ஷாருக்கான், நயன்தாரா, விஜய் சேதுபதி உள்ளிட்ட பலர் நடித்திருந்த இந்த படம் இந்தியா மட்டுமல்லாமல், உலகளவில் பெரும் வரவேற்பை பெற்று வருகிறது. முதல் நாளிலேயே நல்ல வசூலை பெற்றுள்ளது. இப்படிப்பட்ட படத்தில் தானும் ஒரு பங்கு என்பதில் மிகவும் ஆனந்தமாக இருப்பதாக நடிகை ப்ரியாமணி கூறினார்.
Guest Author : Radhika Nedunchezhian