ஷாருக்கானின் நடிப்பில் அட்லியின் இயக்கத்தில் உருவான ஜவான் திரைப்படம் நேற்று உலகம் முழுவதும் வெளியானது. ஷாரூக்கானுடன் இப்படத்தில் நயன்தாரா, விஜய் சேதுபதி, யோகி பாபு என பலர் நடித்திருந்தனர். மேலும் அனிருத் இப்படத்திற்கு இசையமைத்திருந்தார். இந்நிலையில் என்னதான் ஜவான் படத்திற்கு கலவையான விமர்சனங்கள் வந்தாலும் வசூலில் அடித்து நொறுக்கி வருகின்றது. அதன்படி இப்படம் முதல் நாளில் மட்டும் 150 கோடிக்கு மேல் வசூலித்திருக்கும் என தகவல்கள் வருகின்றன. முதல் நாளில் உலகளவில் இப்படம் 150 கோடி வசூலித்தது மிகப்பெரிய சாதனையாக பார்க்கப்படுகின்றது.
அட்லியின் இயக்கத்தில் தமிழில் வெளியான அனைத்து படங்களும் மெகாஹிட் வெற்றியை பெற்றது. என்னதான் அவரின் படங்கள் விமர்சன ரீதியாக முன்ன பின்ன இருந்தாலும் வசூல் ரீதியாக மிகப்பெரிய வெற்றியை பெற்றது. இதையடுத்து பாலிவுட் திரையுலகில் ஜவான் படத்தின் மூலம் காலடியெடுத்து வைத்தார் அட்லி.
Vijay: என் பையனுக்கு பிடித்த ஹீரோ நீதான்பா..பிரபல நடிகரிடம் கூறிய விஜய்..!
எனவே ஜவான் திரைப்படத்திற்கு தமிழ் ரசிகர்களிடமும் எதிர்பார்ப்பு இருந்து வருகின்றது. குறிப்பாக இப்படத்தில் நயன்தாரா, விஜய் சேதுபதி, யோகி பாபு என பலர் நடித்துள்ளதால் தமிழ்நாட்டிலும் இப்படத்திற்கு எதிர்பார்ப்பு இருந்தது. இந்நிலையில் நேற்று உலகம் முழுவதும் வெளியான இப்படம் சற்று கலவையான விமர்சனங்களை தான் பெற்றது.
இருந்தாலும் பெரும்பாலான ரசிகர்கள் இப்படத்தை திரையில் கொண்டாடினர். ஒரு மாஸ் கமர்ஷியல் விருந்தாக ஜவான் இருப்பதாக ரசிகர்கள் கூறி வருகின்றனர். என்னதான் மற்ற படங்களின் சாயல் இருந்தாலும் திரைக்கதையிலும், காட்சி வடிவமைப்பிலும் அட்லி ரசிகர்களை ஈர்த்துள்ளார் என விமர்சனம் வந்துள்ளது.
இந்நிலையில் பலரின் எதிர்பார்ப்பாக இருப்பது இப்படத்தின் மூலம் அட்லி ஆயிரம் கோடி வசூலை எட்டுவாரா என்பது தான். எனவே ஜவான் படத்தின் வசூல் மீது தமிழ் சினிமா ரசிகர்கள் தனி ஆர்வம் கொண்டுள்ளனர். அந்த வகையில் ஜவான் படத்தின் முதல் நாள் வசூல் மட்டும் 150 கோடியை தாண்டும் என தகவல்கள் வருகின்றன. இந்தியளவில் 85 கோடி வரையிலும் உலகளவில் இப்படம் 150 கோடி வரை வசூலித்திருக்கும் என்ற தகவல் தஹ்ரபோது கிடைத்துள்ளது என்பது குறிப்பிடத்தக்கது .