அட்லி இயக்கத்தில் ஷாருக் கான், விஜய் சேதுபதி, நயன்தாரா, தீபிகா படுகோன், யோகி பாபு உள்ளிட்டோர் நடிப்பில் அனிருத் இசையில் வெளியான படம் ‘ஜவான்’.
‘ராஜா ராணி’ படத்தின் மூலம் இயக்குநராகத் திரை உலகுக்கு அறிமுகமான அட்லீ தற்போது ஜவான் படத்தின் மூலம் பாலிவுட்டில் கால்பதித்து இருக்கிறார். செப்டம்பர் 7 ஆம் தேதி திரையரங்குகளில் வெளியான இப்படம் நல்ல வரவேற்பைப் பெற்று வருகிறது.
Biggg Congratulations to the whole team of #JAWAN for this mammoth blockbuster . Warm regards to the entire cast , technicians, crew & producers of #JAWAN @iamsrk garu’s Massiest avatar ever , charming the whole of India & beyond with his swag . Truly happy for you sir , we…
— Allu Arjun (@alluarjun) September 14, 2023
‘ஜவான்’ படக்குழுவை பலரும் பாராட்டி வரும் நிலையில் நடிகர் அல்லு அர்ஜுனும் படக்குழுவுக்கு தனது வாழ்த்தை ட்விட்டரில் தெரிவித்திருக்கிறார். அவர் வெளியிட்டிருந்த பதிவில், “ ‘ஜவான்’ படத்தின் இந்த மாபெரும் வெற்றிருக்கு என்னுடைய வாழ்த்துக்கள். இதுவரை பார்த்திராத மாஸான அவதாரத்தில் ஷாருக் கான் நடித்திருக்கிறார். விஜய் சேதுபதியும் எப்போதும் போல அவரது மிரட்டலான நடிப்பை வெளிப்படுத்தி இருக்கிறார்.
நயன்தாரா திரையில் பிரகாசிக்கிறார். அனிருத் உங்கள் இசையை அனைவரும் கேட்கும்படி செய்து விட்டீர்கள். அனைவரையும் பெருமை அடைய செய்ததற்கு வாழ்த்துக்கள் அட்லீ “ என்று அனைவரையும் பாராட்டி பதிவிட்டிருந்தார்.
Thank u so much my man. So kind of you for the love and prayers. And when it comes to swag and ‘The Fire’ himself praises me….wow…it has made my day!!! Feeling Jawan twice all over now!!! I must admit I must have learnt something from you as I had seen Pushpa thrice in three… https://t.co/KEH9FAguKs
— Shah Rukh Khan (@iamsrk) September 14, 2023
இந்த பதிவை ஷாருக் கான் ரீ ட்விட் செய்திருக்கிறார். “ உங்கள் அன்பிற்கும் பிராத்தனைக்கும் மிக்க நன்றி. அந்த ‘ஃபயரே’ என்னை பாராட்டுவது என்னுடைய நாளை சிறப்பாகி விட்டது. ‘புஷ்பா’ படத்தை மூன்று நாட்களில் மூன்று முறை பார்த்தபோது நான் உங்களிடமிருந்து பல விஷயங்களைக் கற்றுக்கொண்டேன். உங்களுக்கு ஒரு பெரிய ‘ஹக்’. கூடிய விரைவில் நேரில் வந்து தருகிறேன்” என்று ஷாருக் கான் பதிவிட்டிருக்கிறார்.